កម្ពុជាការពារអធិបតេយ្យភាព បដិសេធដាច់ខាតសកម្មភាពឯកតោភាគីថៃលើទឹកដីកម្ពុជា
នយោបាយអន្តរជាតិបច្ចុប្បន្ននេះ ការប្រឈមមុខរវាងប្រទេសមួយនិងប្រទេសមួយទៀតមិនត្រូវបានកំណត់ត្រឹមតែដោយសមត្ថភាពយោធាទេ ប៉ុន្តែគឺត្រូវបានវាស់វែងតាមសមត្ថភាពក្នុងការប្រើប្រាស់ច្បាប់អន្តរជាតិ និងការទូតជាឧបករណ៍ការពារអធិបតេយ្យភាពរបស់ជាតិផងដែរ។ ក្នុងន័យនេះ ការឆ្លើយតបរបស់រាជរដ្ឋាភិបាលកម្ពុជា ចំពោះសកម្មភាពជាឯកតោភាគីរបស់កងកម្លាំងប្រដាប់អាវុធថៃ មិនមែនជាការប្រតិកម្មធម្មតាទេ ប៉ុន្តែជាយុទ្ធសាស្ត្រដែលមានគោលបំណងច្បាស់លាស់ក្នុងការការពារបូរណភាពទឹកដី និងរក្សាស្ថិរភាពតំបន់។
