(Video) សុន្ទរកថាសម្ដេចតេជោ ហ៊ុន សែន ពិធីមីទ្ទីងរំឭកខួបលើកទី ៤៤ នៃទិវាជ័យជម្នះ ៧ មករា

• សូមក្រាបថ្វាយបង្គំ សម្តេចព្រះអគ្គមហាសង្ឃរាជាធិបតី សម្តេចព្រះសង្ឃរាជ សម្តេចព្រះរាជាគណៈ និងព្រះថេរានុថេរៈគ្រប់ព្រះអង្គជាទីសក្ការៈ
• សម្តេច ឯកឧត្តម លោកជំទាវ លោក លោកស្រី ភ្ញៀវកិត្តិយសជាតិ និងអន្តរជាតិ
• សមាជិក សមាជិកា នៃអង្គមីទ្ទីង និងជនរួមជាតិទាំងអស់ជាទីស្នេហា !

ថ្ងៃនេះជាទិវាគម្រប់ខួបលើកទី៤៤ នៃជ័យជម្នះជាប្រវត្តិសាស្ត្ររបស់ប្រជាជនកម្ពុជាលើរបបប្រល័យពូជសាសន៍ ប៉ុល ពត នាថ្ងៃ ៧មករា ឆ្នាំ១៩៧៩ ដែលបានសង្គ្រោះជាតិខ្មែរឲ្យរស់រានមានជីវិតឡើងវិញទាន់ពេលវេលា រួចផុតពីទារុណកម្ម និងការកាប់សម្លាប់ដ៏សាហាវយង់ឃ្នងបំផុត ដែលពុំធ្លាប់មាននៅក្នុងប្រវត្តិសាស្រ្តរបស់កម្ពុជា និងរបស់មនុស្សជាតិ។

យើងប្រារព្ធខួបអនុស្សាវរីយ៍នេះឡើង ក្នុងស្មារតីចងចាំជានិច្ចនូវគុណូបការៈដ៏ថ្លៃថ្លាបំផុតរបស់វីរយុទ្ធជន យុទ្ធនារីនៃរណសិរ្សសាមគ្គីសង្គ្រោះជាតិកម្ពុជា អ្នកស្នេហាជាតិទាំងឡាយ និងវីរយុទ្ធជននៃកងទ័ពស័គ្រចិត្តវៀតណាម ដែលបានបូជាសាច់ស្រស់ ឈាមស្រស់ រហូតពលិកម្មអាយុជីវិតក្នុងការប្រយុទ្ធ ដើម្បីផ្តួលរំលំរបបប្រល័យពូជសាសន៍ រំដោះប្រជាជនកម្ពុជាឲ្យរួចផុតពីរណ្តៅមរណៈនៃរបបដ៏យង់ឃ្នងនេះ។ ព្រមជាមួយនេះ យើងទាំងអស់គ្នាសូមលំឱនកាយ សង្រួមចិត្ត គោរពដួងវិញ្ញាណក្ខ័ន្ធជនរួមជាតិរាប់លាននាក់ ដែលបានបាត់បង់ជីវិតទៅយ៉ាងអណោចអធម និងអយុត្តិធម៌បំផុតដោយសារឧក្រិដ្ឋកម្មប្រល័យពូជសាសន៍ ហើយឧទ្ទិសបួងសួងសូមឲ្យដួងវិញ្ញាណក្ខ័ន្ធរបស់លោកអ្នកទាំងអស់នោះបានទៅកាន់សុគតិភពជារៀងរហូតទៅ។

ខួបនៃទិវាជ័យជម្នះ ៧មករា នៅឆ្នាំនេះ ប្រារព្ធឡើងក្នុងសភាពការណ៍ដែលព្រះរាជាណាចក្រកម្ពុជា បានសម្រេចសមិទ្ធផលធំៗថ្មីទៀតលើគ្រប់វិស័យ បន្ទាប់ពីបានងើបឡើងវិញយ៉ាងឆាប់រហ័សពីវិបត្តិជំងឺកូវីដ-១៩ ហើយកំពុងបន្តឈានទៅមុខប្រកបដោយភាពជឿជាក់លើមាគ៌ាសន្តិភាព ប្រជាធិបតេយ្យ និងអភិវឌ្ឍន៍ ជាមួយនឹងការលេចត្រដែតឡើងនូវកិត្យានុភាពរបស់កម្ពុជាលើឆាកអន្តរជាតិ។

ក្នុងឱកាសដ៏មហានក្ខត្តឫក្សនេះ ទូលព្រះបង្គំយើងខ្ញុំទាំងអស់គ្នា សូមសម្តែងគារវភក្តីភាព និងកតញ្ញូតាធម៌ដ៏ជ្រាលជ្រៅបំផុត ថ្វាយព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និង សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីសក្ការៈដ៏ខ្ពង់ខ្ពស់បំផុត ដែលកំពុងគង់ប្រថាប់ក្នុងព្រះបរមសិរីរាជសម្បត្តិ ជាម្លប់ដ៏ត្រជាក់នៃប្រជារាស្ត្រខ្មែរនៅគ្រប់ទិសទី។ សូមថ្វាយព្រះពរព្រះករុណាជាអង្គម្ចាស់ជីវិតតម្កល់លើត្បូង និង សម្តេចព្រះវររាជមាតាជាតិ ជាទីសក្ការៈ សូមមានព្រះរាជសុខភាពល្អបរិបូណ៍ ព្រះកាយពលមាំមួន ព្រះបញ្ញាញាណភ្លឺថ្លា និងព្រះរាជទីឃាយុយឺនយូរ ដើម្បីគង់ប្រថាប់ជាម្លប់ដ៏ត្រជាក់នៃប្រជារាស្ត្រខ្មែរគ្រប់ៗរូប ជារៀងដរាប។

អង្គមីទ្ទីង ជនរួមជាតិជាទីស្នេហា !

បច្ចុប្បន្ន ប្រជាជនកម្ពុជាកំពុងរស់នៅយ៉ាងសុខដុមរមនាប្រកបដោយក្តីសង្ឃឹម ក្រោមម្លប់នៃសន្តិភាព ហើយខិតខំយកអស់កម្លាំងកាយ កម្លាំងចិត្ត ដើម្បីអភិវឌ្ឍមាតុភូមិ និងលើកកម្ពស់ជីវភាពរបស់ខ្លួន។ ទោះបីជាយ៉ាងនេះក្តី ក៏ការឈឺចាប់ខ្លោចផ្សាដែលបណ្តាលមកពីការបាត់បង់យ៉ាងធំធេងក្នុងសម័យកាលដ៏ខ្មៅងងឹតបំផុតនៃសង្គ្រាម និងរបបប្រល័យពូជសាសន៍រយៈពេល ៩ឆ្នាំ ពីឆ្នាំ ១៩៧០ ដល់ដើមឆ្នាំ ១៩៧៩ នៅតែដក់ជាប់ជានិច្ចក្នុងមនសិការរបស់ខ្មែរគ្រប់រូបដែលមិនអាចបំភ្លេចបានឡើយ។ យើងទាំងអស់គ្នានៅតែចងចាំថា រដ្ឋប្រហារ ថ្ងៃ ១៨ មីនា ឆ្នាំ១៩៧០ របស់ពួក លន់ នល់ បាននាំប្រទេសជាតិពីសន្តិភាពឲ្យធ្លាក់ទៅក្នុងភ្លើងសង្រ្គាមដ៏សន្ធោរសន្ធៅបំផុត ដែលបានដុតបំផ្លាញមាតុភូមិ និងសម្លាប់ជីវិតប្រជាជនយើងអស់ជាងកន្លះលាននាក់។ បន្ទាប់មក ចាប់ពីថ្ងៃទី១៧ ខែមេសា ឆ្នាំ១៩៧៥ មាតុភូមិកម្ពុជាដ៏អភ័ព្វបានបន្តធ្លាក់ទៅក្នុងគ្រោះមហន្តរាយប្រល័យពូជសាសន៍ ដែលពួកឃាតករ ប៉ុល ពត បានបង្កឡើង។ នៅក្រោមរបបផ្តាច់ការរបស់ប៉ុល ពត សង្គមជាតិទាំងមូលត្រូវក្រឡាប់ចាក់ រចនាសម្ព័ន្ធសេដ្ឋកិច្ច សង្គមត្រូវបំផ្លាញខ្ទេចខ្ទីដល់ឫសគល់ សិទ្ធិសេរីភាពគ្រប់យ៉ាងរបស់ប្រជាជនត្រូវបាត់បង់ទាំងស្រុង ប្រជាជនជាង ៣លាននាក់ ត្រូវសម្លាប់យ៉ាងអយុត្តិធម៌ ឯអ្នកនៅរស់ក៏រង់ចាំតែថ្ងៃត្រូវគេយកទៅសម្លាប់ប៉ុណ្ណោះ។ ច្បាស់ណាស់ថា បើគ្មានការជួយសង្រ្គោះឲ្យទាន់ពេលទេនោះ ប្រជាជាតិយើងត្រូវប្រឈមនឹងការវិនាសដែលមិនអាចវិលត្រឡប់វិញបានឡើយ។

ក្នុងកាលៈទេសៈដ៏ធ្ងន់ធ្ងរបំផុតនេះ បណ្តាកម្លាំងអ្នកស្នេហាជាតិដ៏បរិសុទ្ធនៃគណបក្សប្រជាជនកម្ពុជា ដែលនៅសល់ពីការកាប់សម្លាប់នៃរបប ប៉ុល ពត បានក្រោកឈរតស៊ូប្រឆាំងនឹងរបបព្រៃផ្សៃនេះ ប្រកបដោយវីរភាពបំផុត។ នៅលើមាគ៌ាឆ្ពោះទៅរកការផ្តួលរំលំរបប ប៉ុល ពត មានព្រឹត្តិការណ៍ធំៗជាប្រវត្តិសាស្រ្តមួយចំនួនដែលមានអត្ថន័យជ្រាលជ្រៅបំផុតចំពោះដំណើរការសង្រ្គោះជាតិ។ ព្រឹត្តិការណ៍ទាំងនោះរួមមានៈ នៅថ្ងៃទី២០ ខែមិថុនា ឆ្នាំ១៩៧៧ ខ្ញុំព្រះករុណាខ្ញុំ និងយុទ្ធមិត្ត ៤រូបទៀត បានចេញដំណើរភៀសខ្លួនទៅប្រទេសវៀតណាម ដើម្បីស្វែងរកការឧបត្ថម្ភក្នុងការតស៊ូរំដោះជាតិ, ថ្ងៃទី១២ ខែឧសភា ឆ្នាំ១៩៧៨ កងកម្លាំងប្រដាប់អាវុធសង្រ្គោះជាតិកម្ពុជាត្រូវបានបង្កើតឡើងដែលដឹកនាំដោយខ្ញុំព្រះករុណាខ្ញុំ, ថ្ងៃទី២៥ ខែឧសភា ឆ្នាំ១៩៧៨ កងទ័ព និងប្រជាជនទូទាំងភូមិភាគបូព៌ាបានក្រោកឈរប្រឆាំងនិងរបប ប៉ុល ពត ក្រោមការដឹកនាំរបស់សម្តេច ហេង សំរិន និងសម្តេច ជា ស៊ីម, ព្រមជាមួយនោះ មានចលនាតស៊ូប្រឆាំង ប៉ុល ពត នៅខេត្តកោះកុង និងនៅភូមិភាគឦសាន រួមទាំងកម្លាំងប្រមូលផ្ដុំនៅប្រទេសវៀតណាមភាគខាងជើង ក្រោយសន្ធិសញ្ញាក្រុងហ្សឺណែវ ឆ្នាំ ១៩៥៤។ ផ្តើមចេញពីចលនាទាំងនេះបានផ្តល់ឱកាសដល់ការបង្កើតឡើងរណសិរ្សសាមគ្គីសង្គ្រោះជាតិកម្ពុជានៅថ្ងៃទី២ ខែធ្នូ ឆ្នាំ១៩៧៨ ដែលជាអង្គការចាត់តាំងនយោបាយតែមួយគត់តំណាងឲ្យឆន្ទៈរបស់ប្រជាជនកម្ពុជា។ រណសិរ្សសាមគ្គីសង្គ្រោះជាតិកម្ពុជា ដែលមានការគាំទ្រពីប្រជាជនគ្រប់ទិសទី និងទទួលបានការជួយឧបត្ថម្ភដ៏ធំធេង ទាន់ពេល និងមានប្រសិទ្ធភាពពីសំណាក់កងទ័ពស្ម័គ្រចិត្តវៀតណាម បានវាយរបបប្រល័យពូជសាសន៍ឲ្យដួលរលំ នៅថ្ងៃទី៧ ខែមករា ឆ្នាំ១៩៧៩។

ជ័យជម្នះ ៧មករា បានបញ្ចប់សករាជដ៏ខ្មៅងងឹតបំផុត និងបើកឡើងនូវសករាជថ្មីរបស់កម្ពុជា គឺឯករាជ្យ សេរីភាព ប្រជាធិបតេយ្យ និងវឌ្ឍនភាពសង្គម ដោយបានសង្គ្រោះអាយុជីវិតប្រជាជនរាប់លាននាក់ពីគ្រោះមរណៈ, បាននាំយកមកជូនប្រជាជនវិញនូវសិទ្ធិសេរីភាពគ្រប់យ៉ាងដែលត្រូវបាត់បង់ទាំងស្រុងក្នុងរបប ប៉ុល ពត ជាពិសេស សិទ្ធិនៃការរស់រានមានជីវិត, បានធ្វើឲ្យរាល់តម្លៃខាងស្មារតី និងសម្ភារៈរបស់ប្រជាជាតិខ្មែរ ដែលត្រូវបានកសាងពូនជ្រុំនៅក្នុងប្រវត្តិសាស្ត្ររាប់ពាន់ឆ្នាំមកហើយរបស់ខ្លួននោះបានរស់ឡើងវិញ។ ជ័យជម្នះ ៧មករា បានផ្តល់កំណើតទីពីរដល់ប្រជាជនកម្ពុជា បើគ្មានជ័យជម្នះ៧មករា គឺគ្មានកម្ពុជានៅថ្ងៃនេះទេ។ នេះជាសច្ចធម៌ប្រវត្តិសាស្ត្រ ដែលគ្មានជនណាឬកម្លាំងណាអាចមកបំភ្លៃ និងបំផ្លាញបានឡើយ។ គឺមានតែអ្នកស្រឡាញ់របបប្រល័យពូជសាសន៍ប៉ុណ្ណោះ ដែលប្រឆាំងនឹងជ័យជម្នះ ៧មករា។

លើមូលដ្ឋានជ័យជម្នះ ៧មករា សាធារណរដ្ឋប្រជាមានិតកម្ពុជា ត្រូវបានបង្កើតឡើង ដឹកនាំដោយក្រុមប្រឹក្សាប្រជាជនបដិវត្តន៍កម្ពុជា ដែលត្រូវគ្រប់គ្រងប្រទេសក្នុងស្ថានភាពមានសន្តិភាពផង និងមានសង្គ្រាមផង មិនតែប៉ុណ្ណោះត្រូវមជ្ឈដ្ឋានខាងក្រៅមួយចំនួនហ៊ុមព័ទ្ធសេដ្ឋកិច្ច និងឯកោខាងនយោបាយយ៉ាងអយុត្តិធម៌ និងអមនុស្សធម៌ថែមទៀត។ ភារកិច្ចចម្បងរបស់យើងនៅពេលនោះ គឺការពារការរស់ឡើងវិញរបស់ប្រជាជន ទប់ស្កាត់មិនឲ្យរបបប្រល័យពូជសាសន៍វិលត្រឡប់មកវិញបាន ខិតខំស្តារ កសាងសេដ្ឋកិច្ច សង្គម និងជីវភាពប្រជាជនឡើងវិញពីចំណុចសូន្យ និងពីបាតដៃទទេឲ្យមានស្ថិរភាពជាជំហានៗ។ អាស្រ័យដោយមានការដឹកនាំដ៏ត្រឹមត្រូវ និងកម្លាំងមហាសាមគ្គីជាតិ យើងបាននាំប្រទេសជាតិឲ្យចេញផុតពីដំណាក់កាលដ៏សែនលំបាកបំផុតជាបន្តបន្ទាប់រហូតអាចពង្រឹងពង្រីកខ្លួនបាន ដែលបានបង្កបុព្វបទ និងលក្ខណសម្បត្តិចាំបាច់ឲ្យប្រជាជាតិយើងបន្តដំណើរទៅមុខប្រកបដោយជោគជ័យលើមាគ៌ាសន្តិភាព បង្រួបបង្រួមជាតិ ប្រជាធិបតេយ្យ និងអភិវឌ្ឍន៍។ នៅលើមាគ៌ានេះ យើងបានបញ្ចប់សង្រ្គាមដ៏រ៉ាំរ៉ៃតាមរយៈនយោបាយឈ្នះ ឈ្នះ ដែលបាននាំមកនូវសន្តិភាព និងឯកភាពជាតិពេញលេញ និងឯកភាពទឹកដីទាំងស្រុង ចាប់ពីចុងឆ្នាំ១៩៩៨ មក។ សន្តិភាពបានបង្កើតឱកាសមាសសម្រាប់ការអភិវឌ្ឍសង្គម-សេដ្ឋកិច្ច និងភាពសុខសាន្តរបស់ប្រជាជនយើងរយៈពេល ៤៤ឆ្នាំ ហើយ។

អង្គមីទ្ទីង ជនរួមជាតិជាទីស្នេហា !

ពេលនេះយើងបានឈានចូលឆ្នាំ២០២៣ហើយ ដែលជាឆ្នាំទី៥ នៃការអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាល នីតិកាលទី៦ នៃរដ្ឋសភា ។

នៅក្នុងឆ្នាំ២០២២ ដែលទើបតែកន្លងផុតទៅនេះ កម្ពុជាបានសម្រេចសមិទ្ធផលថ្មីៗទៀតលើមាគ៌ានៃការអភិវឌ្ឍរបស់ខ្លួន ទោះបីជំងឺកូវីដ-១៩ មិនទាន់ត្រូវបានលប់បំបាត់ទាំងស្រុង និងត្រូវទទួលរងឥទ្ធិពលពីការវិវត្តដ៏ស្មុគស្មាញនៃសភាពការណ៍អន្តរជាតិក្តី។ សន្តិភាព ស្ថិរភាពនយោបាយ និងសន្តិសុខដែលជាមូល-ដ្ឋានគ្រឹះសម្រាប់ការអភិវឌ្ឍ និងការរស់នៅដ៏សុខដុមរមនារបស់ប្រជាជន ត្រូវបានការពារយ៉ាងគត់មត់ដោយកម្លាំងជាតិទាំងមូល ដែលបានរួមសាមគ្គីយ៉ាងរឹងមាំជុំវិញរាជរដ្ឋាភិបាល។ ពាក្យស្លោក «អរគុណសន្តិភាព អរគុណនយោបាយឈ្នះ ឈ្នះ» បានលាន់រន្ទឺពាសពេញប្រទេស និងបានក្លាយជាស្មារតីនៃសង្គមជាតិដ៏ខ្លាំងក្លារស់រវើកនៅក្នុងដំណើរកសាង និងការពារមាតុភូមិ។ បើយើងរក្សាសន្តិភាពមិនបាន យើងពិតជាមិនអាចទទួលសមិទ្ធផលគ្រប់យ៉ាងនៅថ្ងៃនេះបានឡើយ។ ការប្រយុទ្ធប្រឆាំងនឹងជំងឺកូវីដ-១៩ ដ៏កាចសាហាវដែលបានឆ្លងរាតត្បាតយ៉ាងខ្លាំងក្នុងឆ្នាំ២០២០-២០២១ បានទទួលជោគជ័យ តាមរយៈការដឹកនាំដ៏ត្រឹមត្រូវ ការអនុវត្តយុទ្ធសាស្រ្ត និងវិធានការដ៏មុតស្រួចនានាប្រកបដោយប្រសិទ្ធភាព និងការចូលរួមដ៏សកម្មរបស់ប្រជាជន ដែលបានពង្រឹងខឿនការពារសុខភាពរបស់ប្រជាជន ធានាដល់ដំណើរការស្តារ និងជំរុញសេដ្ឋកិច្ចឡើងវិញក្រោយវិបត្តិជំងឺកូវីដ-១៩។ វិស័យសេដ្ឋកិច្ចបានងើបឡើងវិញយ៉ាងឆាប់ ដោយសារការខិតខំប្រឹងប្រែងប្រកបដោយភាពបុរេសកម្ម និងភាពម្ចាស់ការរបស់រាជរដ្ឋាភិបាល តាមរយៈការដាក់ចេញវិធានការរក្សាលំនឹងសង្គម-សេដ្ឋកិច្ចទាន់ពេលជាបន្តបន្ទាប់។ លើមូលដ្ឋាននេះ សេដ្ឋកិច្ចកម្ពុជាត្រូវបានរំពឹងថានឹងសម្រេចបានកំណើនក្នុងរង្វង់ ៥,៥% ក្នុងឆ្នាំ២០២២ និងត្រូវបានព្យាករណ៍ថានឹងសម្រេច បានកំណើន ៦,៦% នៅឆ្នាំ២០២៣។ ព្រមជាមួយនេះ ជីវភាពប្រជាជនរក្សាបានភាពនឹងន ជាពិសេសប្រជាជនក្រីក្រ និងងាយរងគ្រោះដែលរងឥទ្ធិពលខ្លាំងពីវិបត្តិជំងឺកូវីដ-១៩ រួមទាំងប្រជាជនងាយរងហានិភ័យពីសម្ពាធនៃការឡើងថ្លៃទំនិញជាសាកល និងប្រជាជនរងគ្រោះដោយទឹកជំនន់ តាមរយៈការអនុវត្តកម្មវិធី និងវិធានការអន្តរាគមន៍សង្គមកិច្ចនានាបានទាន់ពេល។ នៅឆ្នាំ២០២៣នេះ មន្ត្រី-រាជការ និងកងកម្លាំងប្រដាប់អាវុធត្រូវបានដំឡើងប្រាក់បៀវត្សមួយកម្រិតទៀត ព្រមជាមួយនេះ ប្រាក់សោធន-និវត្តន៍របស់អតីតមន្រ្តីរាជការ និងអតីតយុទ្ធជនក៏ត្រូវបានកែសម្រួល និងដំឡើងផងដែរ, ដោយឡែក ប្រាក់ឈ្នួលអប្បបរមារបស់កម្មករ និយោជិត ផ្នែកវាយនភណ្ឌ កាត់ដេរ ផលិតស្បែកជើង និងសម្ភារៈធ្វើដំណើរ ក៏ត្រូវបានដំឡើងដល់ ២០០ដុល្លារ រួមទាំងការបន្តទទួលបានអត្ថប្រយោជន៍ផ្សេងៗទៀត ពីការអនុវត្តគោលនយោបាយគាំពារសង្គមរបស់រាជរដ្ឋាភិបាល។ ដំណើរការប្រជាធិបតេយ្យសេរី ពហុបក្សរបស់កម្ពុជា កំពុងបន្តទៅមុខតាមគន្លងនីតិរដ្ឋ ជាពិសេសការបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥ បានប្រព្រឹត្តទៅដោយជោគជ័យប្រកបដោយលក្ខណៈសេរី ត្រឹមត្រូវ និងយុត្តិធម៌។ ជាមួយគ្នានេះ គ្រប់កិច្ចការ និងសកម្មភាពរបស់គណបក្សនយោបាយនានាក្នុងដំណើរឆ្ពោះទៅការបោះឆ្នោតជ្រើសតាំងតំណាងរាស្រ្តនីតិកាលទី៧ ក៏កំពុងប្រព្រឹត្តទៅយ៉ាងល្អប្រសើរ។ ទន្ទឹមនឹងសមិទ្ធផលខាងលើ កិត្យានុភាពកម្ពុជាកាន់តែបានលើកកម្ពស់ឡើងលើឆាកអន្តរជាតិ ពិសេសឆ្លងតាមជោគជ័យដ៏ត្រចះត្រចង់នៃកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធនានា ដែលកម្ពុជាបានធ្វើជាម្ចាស់ផ្ទះ ក្នុងឋានៈជាប្រធានប្តូរវេនរបស់អាស៊ាន, ការប្រព្រឹត្តទៅនៃមហាសន្និបាតអន្តរសភាអាស៊ាន (AIPA) នៅរាជធានីភ្នំពេញ, ការចូលរួមធ្វើជាសហប្រធាននៃកិច្ចប្រជុំកំពូលអាស៊ាន-អឺរ៉ុបនៅប្រទេសបែលហ្ស៊ិក និងការប្រជុំអាស៊ាន-សហរដ្ឋអាមេរិកនៅទីក្រុងវ៉ាស៊ីនតោន ។

ឆ្លងកាត់រយៈពេល ៤៤ឆ្នាំមកនេះ បានបង្ហាញច្បាស់ថា ផ្តើមពីជ័យជម្នះ ៧មករា ប្រទេសកម្ពុជា បាននិងកំពុងឈានទៅមុខឥតឈប់ឈរតាមទិសដៅដ៏ត្រឹមត្រូវ ដែលឆ្លើយតបទៅនឹងបំណងប្រាថ្នាដ៏ពិសិដ្ឋរបស់ប្រជាជន។ កម្ពុជាបានប្រែក្លាយពីវាលពិឃាតនៃរបបប្រល័យពូជសាសន៍, ពីសមរភូមិនៃសង្រ្គាមដ៏រ៉ាំរ៉ៃ, ពីការបែកបាក់ជាតិ និងការបែងចែកទឹកដី និងពីទឹកដីមួយដែលខឿនសេដ្ឋកិច្ចជាតិត្រូវបំផ្លាញខ្ទេចខ្ទី ទៅជាទឹកដីដែលមានសន្តិភាព សាមគ្គីភាព ប្រជាធិបតេយ្យ ការគោរពសិទ្ធិមនុស្ស នីតិរដ្ឋ និងការអភិវឌ្ឍលើគ្រប់វិស័យ ធ្វើឲ្យប្រជាជនគ្រប់រូបបានរស់នៅយ៉ាងសុខដុមរមនា ក្រោមដំបូលរដ្ឋធម្មនុញ្ញតែមួយ និងម្លប់ដ៏ត្រជាក់នៃអង្គព្រះមហាក្សត្រជាទីគោរពសក្ការៈដ៏ខ្ពង់ខ្ពស់បំផុត។ ភាពពិតជាក់ស្តែងទាំងនេះ បានបញ្ជាក់ច្បាស់អំពីការផ្លាស់ប្តូរដ៏ធំធេងជាប្រវត្តិសាស្ត្ររបស់កម្ពុជា ដែលកើតពីការដឹកនាំដ៏ត្រឹមត្រូវរបស់រាជរដ្ឋាភិបាលចេញពីគណបក្សប្រជាជនកម្ពុជា, ពីការខិតខំរបស់គ្រប់ក្រសួង ស្ថាប័នរដ្ឋ និងអាជ្ញាធរគ្រប់លំដាប់ថ្នាក់, ពីការចូលរួមរបស់ប្រជាជនគ្រប់ស្រទាប់វណ្ណៈ គ្រប់ជនជាតិ គ្រប់ជំនឿសាសនា ដោយលើកទឹកចិត្តស្នេហាជាតិដ៏ជ្រាលជ្រៅ, ពីការចូលរួមនៃវិស័យឯកជន និងសង្គមស៊ីវិល ព្រមទាំងការគាំទ្រ និងជួយឧបត្ថម្ភដ៏ស្មោះសរពីសំណាក់បណ្តាប្រទេសជាមិត្តជិតឆ្ងាយ និងសហគមន៍អន្តរជាតិ។

អង្គមីទ្ទីង ជនរួមជាតិជាទីស្នេហា !

ស្មារតី ៧មករា ស្ថិតស្ថេរជាអមតៈក្នុងដួងចិត្តរបស់ប្រជាជនកម្ពុជាគ្រប់ៗរូប និងគ្រប់ជំនាន់តទៅមុខទៀត យើងទាំងអស់គ្នាប្តេជ្ញាថែរក្សាពូនជ្រុំស្មារតី ៧មករា ឲ្យកាន់តែរឹងមាំ និងភ្លឺចែងចាំងជានិច្ច។

៤៤ឆ្នាំកន្លងទៅនេះ គឺជា ៤៤ឆ្នាំ នៃសាមគ្គីភាព ជា៤៤ឆ្នាំនៃការតស៊ូអនុវត្តគ្រប់កិច្ចការប្រកបដោយវីរភាព និងជា៤៤ឆ្នាំនៃជ័យជម្នះរបស់ប្រជាជនកម្ពុជា។ ការតស៊ូពុះពាររបស់យើង បានកែប្រែមាតុភូមិពីទឹកដីមរណៈ មកជាទឹកដីលូតលាស់ដ៏ស្រស់បំព្រងប្រកបដោយមោទនភាពបំផុត ដែលបានបង្កើនជំនឿ និងពង្រឹងការតាំងចិត្តរបស់យើង ដើម្បីសម្រេចនូវសមិទ្ធផលថ្មីៗទៀតក្នុងការអភិវឌ្ឍសង្គម-សេដ្ឋកិច្ច និងការកសាងអនាគតដ៏រុងរឿងសម្រាប់កូនចៅយើងគ្រប់ជំនាន់តទៅមុខទៀត ដោយគ្មានការកើតមានជាថ្មីនូវសង្រ្គាម ការបែកបាក់ជាតិ និងអំពើប្រល័យពូជសាសន៍ដូចពីអតីតកាល។ ពិតណាស់ថា ផ្លូវទៅមុខនៅតែមានឧបសគ្គ និងការលំបាកធំៗយ៉ាងច្រើនបន្តទៀត ប៉ុន្តែគ្មានអ្វីអាចមករារាំងយើងបានឡើយ ឲ្យតែយើងមានការរួបរួមសាមគ្គីគ្នាជាធ្លុងមួយ បន្តខិតខំប្រឹងប្រែងអស់ពីកម្លាំងកាយ កម្លាំងចិត្តដើរទៅមុខលើមាគ៌ាដ៏ត្រឹមត្រូវ ដូចដែលយើងធ្លាប់បានឆ្លងកាត់រួចមកហើយ។ យើងគប្បីចងចាំថា គឺកត្តាផ្ទៃក្នុងរបស់ជាតិយើង ជាកត្តាកំណត់នៃជ័យជម្នះ រីឯកត្តាខាងក្រៅគ្រាន់តែជះឥទ្ធិពលប៉ុណ្ណោះ។ ក្នុងន័យនេះ ប្រជាជាតិមួយដែលមានឯកភាពជាតិ ប្តូរផ្តាច់ការពារឯករាជ្យ សេរីភាពរបស់ខ្លួន មិនអាចត្រូវអនុភាពខាងក្រៅណាធ្វើឲ្យបរាជ័យបានឡើយ។ ដូច្នេះត្រូវរួមគ្នាថែរក្សាពូនជ្រុំរាល់សមិទ្ធផលដ៏ថ្លៃថ្លានៃសង្គមជាតិឲ្យបានគង់រង្ស និងរឹងមាំឡើងនៅគ្រប់កាលៈទេសៈ។ ក្នុងស្មារតីនេះ យើងទាំងអស់គ្នាប្តេជ្ញាដាច់ខាតការពារសន្តិភាព និងឯកភាពជាតិដែលយើងសម្រេចបានមកដោយលំបាកបំផុតនេះ ឲ្យស្ថិតស្ថេរ គង់វង្សជានិច្ច មិនឲ្យជនណាឬអនុភាពណាមកបំផ្លាញបានឡើយ។

ត្រង់ចំណុចនេះ ខ្ញុំសូមគូសបញ្ជាក់ជូនជនរួមជាតិថា យើងត្រូវកម្ចាត់នយោបាយជ្រុលនិយមរបស់ទណ្ឌិតក្បត់ជាតិ និងបក្សពួកដែលកំពុងគេចខ្លួនរស់នៅក្រៅប្រទេសឲ្យអស់ពីសង្គមជាតិយើង មិនទុកឲ្យវាបន្តបំពុលសង្គម បំផ្លាញដំណើររីកចម្រើន និងបង្កការបែកបាក់ជាតិ ដែលនឹងនាំទៅដល់គ្រោះមហន្តរាយជាថ្មីទៀតសម្រាប់ប្រជាជាតិយើង។ ជនណា ឬគណបក្សនយោបាយណាដែលបម្រើនយោបាយជ្រុលនិយមរបស់ទណ្ឌិតក្បត់ជាតិនោះ ត្រូវកែប្រែខ្លួនឲ្យបានទាន់ពេល បើពុំដូច្នោះទេនឹងត្រូវប្រឈមនឹងវិធានការច្បាប់ជាធរមាន។

ការលើកកម្ពស់ជីវភាពប្រជាជន គឺជាគោលបំណងជាសារវន្តរបស់រាជរដ្ឋាភិបាលដែលដឹកនាំដោយគណបក្សប្រជាជនកម្ពុជា តាមរយៈការជំរុញអនុវត្តប្រកបដោយប្រសិទ្ធផលនូវរាល់គោលនយោបាយ និងវិធានការនានាក្នុងការបន្តអភិវឌ្ឍសង្គម-សេដ្ឋកិច្ច។ បច្ចុប្បន្នជីវភាពប្រជាជនមានភាពប្រសើរឡើងជាលំដាប់ ទន្ទឹមនោះក៏នៅមានប្រជាជនយើងមួយចំនួននៅបន្តជួបការលំបាកខ្លាំងក្នុងការរស់នៅ ដែលបណ្តាលមកពីឥទ្ធិពលនៃជំងឺកូវីដ-១៩ និងកត្តាផេ្សងៗទៀត។ ក្នុងន័យនេះ ខ្ញុំសូមឲ្យគ្រប់ក្រសួង ស្ថាប័ន អាជ្ញាធរដែនដី និងមន្រ្តីគ្រប់លំដាប់ថ្នាក់ បន្តខិតខំដោះស្រាយសំណូមពររបស់ប្រជាជននៅមូលដ្ឋាន ពង្រឹងសុវត្ថិភាពភូមិ-ឃុំ-សង្កាត់ ពង្រីកស្ថានភាពអំណោយផលដល់ការប្រកបរបររកស៊ីរបស់ប្រជាពលរដ្ឋ និងជំរុញការអនុវត្តកម្មវិធី និងវិធានការអន្តរាគមន៍សង្គមកិច្ចនានា ដែលរាជរដ្ឋាភិបាលបានដាក់ចេញឲ្យបានល្អ ដើម្បីធានារក្សាលំនឹងជីវភាព និងបង្កើនឱកាសសម្រាប់ការលើកស្ទួយជីវភាពរបស់ប្រជាជន។

បងប្អូនជនរួមជាតិជាទីស្នេហា! នៅសល់រយៈពេល ៧ខែទៀតប៉ុណ្ណោះ ការបោះឆ្នោតជ្រើសតាំងតំណាងរាស្រ្តនីតិកាលទី៧នឹងមកដល់ នៅថ្ងៃទី២៣ ខែកក្កដា ឆ្នាំ២០២៣ ដែលជាព្រឹត្តិកាណ៍ជាប្រវត្តិសាស្រ្តមួយមានអត្ថន័យយ៉ាងធំធេងចំពោះជោគវាសនារបស់ជាតិ និងប្រជាជនកម្ពុជា។ ប្រជាជនយើង ដែលបានឆ្លងកាត់ការបោះឆ្នោតសកលថ្នាក់ជាតិ ចំនួន ៦លើក និងការបោះឆ្នោតថ្នាក់ឃុំ សង្កាត់ចំនួន ៥ លើក រួចមកហើយនោះ ពិតជាមានការយល់ដឹង និងបទពិសោធន៍គ្រប់គ្រាន់ក្នុងការអនុវត្តនូវសិទ្ធិសេរីភាពរបស់ខ្លួន ដើម្បីធានាការការពារសន្តិភាព ជំរុញការអភិវឌ្ឍ និងលើកស្ទួយជីវភាពឲ្យបានកាន់តែប្រសើរឡើង។ នៅក្នុងបរិការណ៍នេះ ក្នុងនាមគណបក្សប្រជាជនកម្ពុជាដែលប្រកាន់ខ្ជាប់នូវលទ្ធិប្រជាធិបតេយ្យសេរី ពហុបក្ស ខ្ញុំសូមប្រកាសជាឱឡារិកនូវការចូលរួមរបស់គណបក្សប្រជាជនកម្ពុជាក្នុងការបោះឆ្នោតខាងមុខនេះ ដោយគោរពយ៉ាងម៉ឺងម៉ាត់តាមច្បាប់ ព្រមទាំងបទបញ្ជា និងនីតិវិធីរបស់គណៈកម្មាធិការជាតិរៀបចំការបោះឆ្នោត។ ព្រមជាមួយនេះ ខ្ញុំសូមអំពាវនាវដល់គ្រប់គណបក្សនយោបាយ អង្គការនានានៃសង្គមស៊ីវិល ប្រព័ន្ធព័ត៌មាន ក្រសួងស្ថាប័ន អាជ្ញាធរ និងកងកម្លាំងមានសមត្ថកិច្ចគ្រប់លំដាប់ថ្នាក់ គោរពខ្ជាប់ខ្ជួនតាមគោលការណ៍ច្បាប់ ហើយចូលរួមទាំងអស់គ្នាក្នុងការពង្រឹងបរិយាកាសនយោបាយសម្រាប់ការបោះឆ្នោតប្រកបដោយលក្ខណៈអព្យាក្រឹត គ្មានការគំរាមកំហែង និងសុវត្ថិភាព ដើម្បីធានាឲ្យការបោះឆ្នោតប្រព្រឹត្តទៅដោយសេរី ត្រឹមត្រូវ និងយុត្តិធម៌។

ពាក់ព័ន្ធនឹងការប្រែប្រួលដ៏ស្មុគស្មាញ តានតឹងនៃសភាពការណ៍សកលលោកបច្ចុប្បន្ននេះ ដែលបណ្ដាលមកពីការប្រកួតប្រជែងខាងភូមិសាស្រ្តនយោបាយរវាងមហាអំណាចធំៗ ដែលបានធ្វើឲ្យរង្គោះរង្គើរដល់សណ្តាប់ធ្នាប់អន្តរជាតិ និងគំរាមកំហែងដល់សន្តិភាព ស្ថិរភាព និងវិបុលភាពជាសាកលនោះ ខ្ញុំសូមយកឱកាសនេះបញ្ជាក់ជាថ្មីនូវការប្តេជ្ញាចិត្តរបស់កម្ពុជាដែលជាប្រទេសសមាជិកដ៏សកម្មមួយនៃអង្គការសហប្រជាជាតិ ក្នុងការចូលរួមជាមួយសហគមន៍អន្តរជាតិក្នុងការការពារសណ្តាប់ធ្នាប់អន្តរជាតិដែលផ្អែកលើច្បាប់ និងការពង្រឹងប្រព័ន្ធពហុភាគីនិយម ដែលប្រកបដោយបរិយាបន្ន តម្លាភាព យុត្តិធម៌ និងបើកចំហ ដើម្បីធានាដល់ការកសាងសន្តិភាព ស្ថិរភាព ការអភិវឌ្ឍ និងការលើកកម្ពស់គុណភាពនៃជីវិត និងការរស់នៅរបស់ប្រជាជន។ កម្ពុជាប្រកាន់ខ្ជាប់ធម្មនុញ្ញអង្គការសហប្រជាជាតិ និងច្បាប់ បទដ្ឋាន ព្រមទាំងគោលការណ៍ទាំងឡាយដែលត្រូវបានទទួលស្គាល់ជាសាកល ហើយជំទាស់ដាច់ខាតចំពោះការប្រើប្រាស់កម្លាំង ឬការគំរាមកំហែងដោយកម្លាំងប្រឆាំងនឹងរដ្ឋអធិបតេយ្យមួយ។ ចំពោះបញ្ហាសង្គ្រាម និងសន្តិភាព ឆ្លងកាត់ប្រវត្តិសាស្រ្តដ៏ជូរចត់ដែលកម្ពុជាបានជួបរួចមកហើយនោះ យើងយល់ថាសង្រ្គាមមិនអាចបញ្ចប់ដោយសង្រ្គាមបានឡើយ មានតែការដោះស្រាយជម្លោះដោយសន្តិវិធីតាមរយៈការសន្ទនា និងពិគ្រោះយោបល់ប៉ុណ្ណោះ ទើបអាចសម្រេចបាននូវសន្តិភាពប្រកបដោយចីរភាពបាន។

ក្នុងឱកាសដ៏ឱឡារិកនេះ ក្នុងនាមសម្តេចអគ្គមហាពញាចក្រី ហេង សំរិន ថ្នាក់ដឹកនាំទាំងអស់នៃគណបក្សប្រជាជនកម្ពុជា និងរូបខ្ញុំផ្ទាល់ សូមសម្តែងការគោរព និងដឹងគុណយ៉ាងជ្រាលជ្រៅបំផុតចំពោះជនរួម-ជាតិទាំងនៅក្នុងប្រទេស ទាំងនៅក្រៅប្រទេស ដែលបានផ្តល់យុត្តិធម៌ ការគាំទ្រ និងការជឿជាក់លើការដឹកនាំរបស់គណបក្សប្រជាជនកម្ពុជា និងខ្ញុំព្រះករុណាខ្ញុំ រយៈពេល ៤៤ឆ្នាំ កន្លងទៅនេះ ដែលធ្វើឲ្យគណបក្ស និងខ្ញុំព្រះករុណាខ្ញុំ អាចបំពេញបេសកកម្មបម្រើជាតិ មាតុភូមិ និងប្រជាជនប្រកបដោយជោគជ័យ។ ខ្ញុំព្រះករុណាខ្ញុំ នឹងបន្តខិតខំធ្វើអ្វីៗគ្រប់យ៉ាងក្នុងលទ្ធភាពទាំងអស់របស់ខ្លួន ដើម្បីភាពរីកចម្រើនរឹងមាំ និងភាពសុខសាន្តរបស់មាតុភូមិ និងប្រជាជនកម្ពុជា។

ជាទីបញ្ចប់ ទូលព្រះបង្គំ ខ្ញុំព្រះករុណាខ្ញុំ សូមថ្វាយព្រះពរ ប្រគេនពរ និងប្រសិទ្ធពរជូន សម្តេច ឯកឧត្តម លោកជំទាវ ភ្ញៀវកិត្តិយសជាតិ និងអន្តរជាតិ សមាជិក សមាជិកានៃអង្គមីទ្ទីង និងជនរួមជាតិទាំងអស់ សូមបានប្រកបនូវពុទ្ធពរ និងពរទាំងប្រាំប្រការ គឺ អាយុ វណ្ណៈ សុខៈ ពលៈ និងបដិភាណៈកុំបីឃ្លៀងឃ្លាតឡើយ៕ សូមអរគុណព្រះគុណ សូមអរគុណ !

************

Speech of Samdech Akka Moha Sena Padei Techo Hun Sen,
Prime Minister of the Kingdom of Cambodia and President of the Cambodian People’s Party in the Meeting to Commemorate the 44th Anniversary of the January 7 Victory Day (07 January 1979 – 07 January 2023)

The Revered Samdech Preah Akka Moha Sangkha Rajathipatei,
Samdech Preah Sangka Reach, Samdech Preah Reacheakana and the Buddhist Monks:

Samdech, Excellencies, Lok Chumteavs, Ladies and Gentlemen,
Distinguished National and International Guests

Dear members of the Meeting and all Compatriots,

Today marks the 44th anniversary of the historic victory of the Cambodian people over the genocidal regime of Pol Pot on January 7, 1979, which saved the Khmer nation in time from the most heinous torture and massacre unprecedented in the history of Cambodia and of humanity.

We celebrate this anniversary in the spirit of always remembering the most precious merits heroic combatants of the United Front for National Salvation of Kampuchea, patriots and heroic soldiers of the Vietnamese volunteer army who sacrificed their flesh and blood, and even lives in the fight to overthrow the genocidal regime and to liberate the Cambodian people from the pit of death of this vicious regime. At the same time, let us all bow down and pay our respects to the souls of the millions of compatriots who lost their lives in the most heinous and unjust acts of genocide, and pray for the release of all of your souls to serenity forever.

This year, the anniversary of Victory Day on January 7, is celebrated in a situation where the Kingdom of Cambodia has achieved new great achievements in all fields after a rapid recovery from the Covid-19 crisis and is moving forward with confidence on the path of peace, democracy and development with the emergence of Cambodia’s prestige on the international stage.

On this great occasion, we would like to express our deepest respect and gratitude to His Majesty Norodom Sihamoni, King of the Kingdom of Cambodia, and Queen Norodom Monineath Sihanouk, the most revered Khmer Queen Mother of Freedom, Dignity and Happiness, who reside in the royal throne as the cool shade for the Khmer people everywhere. May Your Majesty, whose life is placed on the stone, and His Majesty the Queen Mother be blessed with good health, strong body, bright intellect, and long life to live in the cool shade for every Khmer people forever.

Dear Meeting Participants and Compatriots,

At present, the Cambodian people are living in harmony and with hope under the shade of peace, and are working hard to develop their homeland and to improve their lives. However, the tragedy caused by the enormous loss during the darkest period of the nine years of war and genocide from 1970 to early 1979 remains unforgettably ingrained in the minds of all Cambodians. We all still remember that the Lon Nol coup of March 18, 1970 brought the nation from peace to the depth of the worst war flame that engulfed our homeland and killed more than half a million people. From April 17, 1975, the unfortunate homeland of Cambodia continued to fall into the genocidal catastrophe caused by Pol Pot’s murderers. Under the Pol Pot’s dictatorship, the whole society turned upside down, the socio-economic structure was completely destroyed, all the people’s rights and freedoms were completely lost, more than 3 million people were unjustly killed, and those who survived were in fact waiting for their days taken to be killed. Clearly, without a rescue in a timely manner, our nation would face an irreversible catastrophe.

In these most dire circumstances, the pure patriotic forces of the Cambodian People’s Party, who survived the massacre of the Pol Pot regime, stood up against this brutal regime with the utmost heroism. On the path to overthrow the Pol Pot regime, there are some major historical events bearing the deepest meaning to the national liberation process. These events include – on June 20, 1977, with four other comrades, I fled to Vietnam in search of support for the national liberation struggle, and on May 12, 1978, the armed forces the National Salvation of Kampuchea under my leadership was established, and on May 25, 1978, the army and the people throughout the eastern zone stood up against the Pol Pot regime under the leadership of Samdech Heng Samrin and Samdech Chea Sim, along with the resistance movements against Pol Pot in Koh Kong province and in the northeastern region, as well as forces mobilized in northern Vietnam after the 1954 Geneva Conventions. Stemming from these movements came the opportunity to establish the United Front for National Salvation of Kampuchea (UFNSK) – the only political organization representing the will of the Cambodian people on December 2, 1978. The United Front for National Salvation of Kampuchea, which had the support of the people everywhere and received large, timely and effective support from the Vietnamese volunteer army, overthrew the genocidal regime on January 7, 1979.

The January 7 victory ended the darkest era and opened a new era of independence, freedom, democracy and social progress for Cambodia, by saving the lives of millions of people from death, bringing back the people all their rights and freedoms that were completely lost under the Pol Pot regime, especially the right to life, while bringing back once again the spiritual and material values of the Khmer nation, which has been nurtured in its thousands of years of history. The January 7 victory gave a second birth to the Cambodian people. Without the January 7 victory, there would be no Cambodia today. This is a historical fact that no man or force can manipulate and destroy. Only those who love the genocidal regime oppose to the January 7 victory.

On the basis of the January 7 victory, the People’s Republic of Kampuchea was established, led by the People’s Revolutionary Council of Kampuchea, and ruled the country in a state of peace and war, while certain external circles were placing unjust and inhumane embargoes and isolation on. The main task at that time was to defend the revival of the people, to prevent the return of the genocidal regime, to strive to rebuild the economy, society and people’s livelihood from scratch and empty hands to stability step by step. With the right leadership and the strength of great national solidarity, we have led the nation out of the most difficult stages gradually until we can strengthen ourselves, which created the necessary prerequisites and qualifications for our nation to move forward successfully on the path of peace, national unity, democracy and development. On this path, we have ended a protracted-running war through win-win politics that has brought peace and national unity, and territorial integrity, since the end of 1998. Peace has created golden opportunities for socio-economic development and the well-being of our people for 44 years.

Dear Meeting Participants and Compatriots,

We have now entered 2023, the fifth year of the implementation of the fourth phase of the Political Platform and the Rectangular Strategy of the Royal Government – Phase IV in the sixth legislature of the National Assembly.

In 2022, Cambodia has just achieved new achievements in its development path, although the Covid-19 has not yet been completely eradicated and is affected by the complex evolution of the international situation. Peace, political stability and security, which are the foundations for the development and harmonious living of the people, have been vigorously defended by the entire national force united around the Royal Government. The slogan – “We thank peace,” “We thank win-win politics” has resonated throughout the country and has become the spirit of a strong and vibrant society in the process of building and defending the motherland. If we do not keep the peace, we will not be able to achieve everything today.

The fight against the deadly Covid-19 epidemic in 2020 and 2021 has scored success through proper leadership, effective implementation of sharp strategies and measures, and active participation of the people, who have strengthened the people’s health protection foundation to ensure the process of economic restoration and recovery after the Covid-19 crisis. The economic sector has recovered rapidly due to the proactive efforts and ownership of the Royal Government through the introduction of timely measures to maintain socio-economic stability. On this basis, the Cambodian economy is expected to grow at around 5.5% in 2022 and is projected to grow at 6.6% in 2023. At the same time, people’s lives have been stable, especially the poor and vulnerable who have been severely affected by the Covid-19 crisis, as well as people who are vulnerable to the pressures of rising global commodity prices and those who are affected by flood through the implementation of social intervention programs and measures in a timely manner. In 2023, the salaries of civil servants and the armed forces will be raised to another level, as well as the pensions of former civil servants and veterans will be adjusted and increased, particularly the minimum wage for workers in textile, garment and footwear sectors has also been jacked up to US$ 200, along with continuing reception of other benefits from the implementation of the Royal Government’s social protection policy.

Cambodia’s multi-party liberal democratic process is moving forward along the path of the rule of law, especially the successful, free, fair and just 5th Mandate Commune/Sangkat Council elections. At the same time, all works and activities of political parties on the way to the 7th National Assembly election are going well. Along with the above achievements, Cambodia’s prestige has been raised on the international stage, especially through the glorious success of Cambodia’s rotating chair hosting the ASEAN Summit and related summits, the ASEAN Inter-Parliamentary Assembly (AIPA) in Phnom Penh, and co-chairing the ASEAN-Europe Summit in Belgium and the ASEAN-US Summit in Washington.

Over the past 44 years, it becomes clear that since the January 7 victory, Cambodia has been constantly moving in the right direction in response to the sacred aspirations of the people. Cambodia has turned from a killing field of genocidal regimes, from the battlefields of chronic warfare, from national disintegration and territorial division, and from a land where the national economy has been destroyed to a land of peace, unity, democracy, respect for human rights, rule of law and development in all areas enabling all people to live in harmony under the same Constitutional umbrella and the cool shade of the highly revered HM the King. These realities underscore the great changes in Cambodia’s history that have emerged from the right leadership of the Royal Government that comes from the Cambodian People’s Party, from the efforts of all ministries, state institutions and authorities at all levels, people’s participation from all walks of life, all races, all religions by encouraging deep patriotism, from the participation of the private sector and civil society, as well as the sincere support and assistance from neighboring countries and international communities.

Dear Meeting Participants and Compatriots,

The spirit of January 7 is immortal in the hearts of all Cambodians and all generations to come. We are all committed to keeping the spirit of January 7 stronger and brighter.

The past 44 years have been the 44 years of unity, the 44 years of heroic struggle and the 44 years of victory for the Cambodian people. Our struggle has transformed the homeland from the land of the dead to the land of beautiful progress, the land of great pride, which has strengthened our faith and strengthened our resolve to achieve new achievements in socio-economic development and glorious future construction for our descendants for generations to come, without the recurrence of wars, divisions, and genocides like in the past. Of course, there are still many obstacles and difficulties ahead, but nothing can stop us as long as we are united in our efforts to move forward with all our physical strength and spiritual energy, on the right path, as we have already gone through. We should remember that the internal factors of our nation are the determining factors of victory, while the external factors are only adding influence. In this sense, a nation that is united in its determination to defend its independence and freedom cannot be defeated by any external force.

Therefore, we must work together to preserve all the noble achievements of the society to be stable and strong in all circumstances. In this spirit, we are all determined to safeguard the peace and national unity that we have achieved with the utmost difficulty, to remain in existence and not to be destroyed by any person or power. At this point, I would like to emphasize to our compatriots that we must get rid of the extremist politics – carried out by traitors and factions who are fleeing abroad – from our society, and we must not let it continue to pollute society, destroy progress and cause division that may lead to disaster again for our nation. Any person or political party that serves the extremist politics of the traitor convicts must change their actions in time, otherwise they will face legal action.

Improving the lives of the people is an essential goal of the Royal Government led by the Cambodian People’s Party through the effective implementation of all policies and measures to further socio-economic development. Currently, people’s lives are gradually improving, while some of our people continue to have a very difficult life due to the effects of Covid-19 and other factors. In this regard, I urge all ministries, institutions, local authorities and officials at all levels to continue to work to address the requests of the people at the local level, strengthen the security of villages, communes, and Sangkats, while expanding the favorable conditions for the business of the people and promoting the implementation of the social intervention program and measures laid out by the Royal Government to ensure the stability of life and increase opportunities for improving the lives of the people.

Dear Compatriots! with only seven months left, the 7th National Assembly election will come on July 23, 2023, a historic event that has great significance for the destiny of the nation and the people of Cambodia. Our people, who have already gone through six national general elections and five commune elections, are well aware and experienced enough to exercise their rights and freedoms to ensure the protection and the promotion of peace, further development and improvement of living standards. In this context, on behalf of the Cambodian People’s Party, which adheres to a liberal, multi-party democracy, I would like to solemnly declare the CPP’s participation in the upcoming elections in strict accordance with the laws and regulations and procedures of the National Election Committee. At the same time, I am calling on all political parties, civil society organizations, information systems, ministries, institutions, authorities and competent forces at all levels to adhere to the rule of law and join together to strengthen the political environment that will be neutral, free from threats and insecurity to ensure free, fair and just elections.

In connection with the complex changes in the current global situation caused by geopolitical rivalries between the great powers that have shaken the international order and threatened global peace, stability and prosperity, I take this opportunity to reaffirm Cambodia’s commitment as an active member of the United Nations to engage with the international community in upholding the rule of law and upholding a multilateral system with an environment of transparency, fairness, and open to ensure peace building, stability, development and improvement of people’s quality of life and living. Cambodia adheres to the UN Charter and the laws, norms and principles that are universally recognized and vehemently oppose the use of force or the threat of force against a sovereign state. Regarding the issue of war and peace through the bitter history that Cambodia has already experienced, we understand that war cannot end with war, and only peaceful settlement of conflicts through dialogue and consultation can achieve a peaceful and sustainable peace.

On this solemn occasion, on behalf of Samdech Akka Moha Ponhea Chakrei Heng Samrin, all the leaders of the Cambodian People’s Party and myself, I would like to express my deepest respect and gratitude to our compatriots both at home and abroad for providing justice, support and trust in the leadership of the Cambodian People’s Party and in me for the past 44 years, which enables the Party and I successfully fulfill our mission to serve the nation, motherland and people. I will continue to do everything in my ability for the strong growth and peace of the motherland and the people of Cambodia.

Finally, I would like to extend my best wishes to His Excellency, Lok Chumteav, distinguished national and international guests, members of the meeting and all my compatriots the five Buddhist blessings.

Thank You for Your Attention