ភាគហ៊ុន Alibaba ធ្លាក់ចុះខ្ទង់ ៤ភាគរយ ក្រោយ CEO ផ្នែក Cloud ប្រកាសលាលែងពីតំណែង

ដោយ៖ ម៉ម សុគន្ធ | ថ្ងៃអង្គារ ទី១២ ខែកញ្ញា ឆ្នាំ២០២៣ ព័ត៌មានសេដ្ឋកិច្ច 482

FN- (បរទេស)៖ ថ្មីៗនេះទទួលបានដំណឹងថា នាយកប្រតិបត្តិក្រុមហ៊ុន Cloud ដែលជាបុត្រសម្ព័ន្ធរបស់ក្រុមហ៊ុន Albaba លោក Daniel Zhang នឹងលាលែងពីតំណែងនៅឆ្នាំក្រោយនេះ ខណៈការប្រកាសរបស់លោកបានធ្វើឱ្យភាគហ៊ុនរបស់ Alibaba ធ្លាក់ចុះចំនួន ៤ភាគរយភ្លាមៗ។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី១១ ខែកញ្ញា ឆ្នាំ២០២៣។

យោងតាមលិខិតផ្ទៃក្នុងរបស់ Alibaba បានឱ្យដឹងថា លោក Zhang នឹងលាលែងពីតំណែងនៅខែឧសភា ឆ្នាំ២០២៤ ខាងមុខនេះ។ ដោយឡែកចំពោះតួនាទីជា CEO នៅក្រុមហ៊ុន Alibaba Cloud ត្រូវបានគេឱ្យដឹងថា នឹងតែងតាំងលោក Chen Lei ដែលជាប្រធាន Alibaba Cloud បច្ចុប្បន្នទៅទទួលដំណែងនេះជំនួសវិញ។

យ៉ាងណាមិញការសម្រេចចាកចេញពីតួនាទីរបស់លោក Zhang មិនត្រូវបានប្រភពគូសបញ្ជាក់ថា មកពីមូលហេតុអ្វីនោះទេ ប៉ុន្តែការបាត់បង់វត្តមានរបស់លោកត្រូវបានគេរំពឹងថា នឹងប៉ះទង្គិចដល់អាជីវកម្ម Cloud របស់ Alibaba ជាខ្លាំង។ ខណៈដំណឹងនៃការចាកចេញរបស់លោក Zhang ក៏កើតឡើងចំពេលដែលក្រុមហ៊ុន Alibaba កំពុងប្រឈមមុខនឹងការត្រួតពិនិត្យកាន់តែខ្លាំងឡើងពីនិយតករចិនផងដែរ។ Alibaba Cloud គឺជាក្រុមហ៊ុនផ្តល់សេវាកម្ម Cloud ធំជាងគេលំដាប់ទី២ នៅក្នុងប្រទេសចិន បន្ទាប់ពីក្រុមហ៊ុន Tencent Holding Ltd ក្នុងរយៈប្រកួតប្រជែងប៉ុន្មានឆ្នាំចុងក្រោយនេះ។

គួរជម្រាបដែរថា កាលពីខែមីនាកន្លងទៅ Alibaba បានបំបែកក្រុមហ៊ុនទៅជា ៦ផ្នែកដាច់ដោយឡែកពីគ្នាដោយក្នុងនោះ Alibaba ជាក្រុមហ៊ុនគោល និងមាន ៥ផ្នែកទៀតរួមមានអង្គភាព Cloud, e-commerce, logistics, media និង entertainment ជាអង្គភាពដែលស្ថិតនៅក្រោមការគ្រប់គ្រង ខណៈអង្គភាពទាំងនេះនឹងត្រូវបានត្រួតពិនិត្យដោយនាយកប្រតិបត្តិ និងក្រុមប្រឹក្សាភិបាលរៀងៗខ្លួនរបស់ពួកគេ៕

អត្ថបទទាក់ទង

នាយករដ្ឋមន្ត្រីចិន បានឯកភាពតាមសំណើរបស់នាយករដ្ឋមន្ត្រីកម្ពុជា ពាក់ព័ន្ធនឹងគម្រោងនៃការកំណត់យកឆ្នាំ២០២៤ ជាឆ្នាំនៃការផ្លាស់ប្តូររវាងប្រជាជន និងប្រជាជន ដែលជាមូលដ្ឋាននៃការលើកកម្ពស់វិស័យទេសចរណ៍ និងការតភ្ជាប់រវាងប្រទេស និងប្រទេស ទំព័ររូបថត ព័ត៌មានជាតិថ្ងៃអង្គារ ទី១៧ ខែតុលា ឆ្នាំ២០២៣ 189
សូមទស្សនាកម្រងរូបភាពដ៏ស្រស់ស្អាត និងទាក់ទាញ ថ្ងៃទី២ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ទំព័ររូបថត ព័ត៌មានជាតិថ្ងៃចន្ទ ទី២៧ ខែវិច្ឆិកា ឆ្នាំ២០២៣ 196
អគ្គនាយកដ្ឋានពន្ធដារ អំពាវនាវដល់សាធារណជន បើមានចម្ងល់ពាក់ព័ន្ធនឹងពន្ធដារ សូមទាក់ទងលេខទូរស័ព្ទ ១២៧៧ ដោយឥតគិតថ្លៃ រៀងរាល់ម៉ោងធ្វើការ ឬកម្មវិធីជជែកផ្ទាល់ជាមួយពន្ធដារ GDT Live Chat ព័ត៌មានជាតិថ្ងៃពុធ ទី២៧ ខែកញ្ញា ឆ្នាំ២០២៣ 167
អ្នកជំនាញអារ្យធម៌ខ្មែរ៖តើព្រលានយន្តហោះអន្ដរជាតិសៀមរាបរចនាប្លង់ជា«ខ្លែងឯក»ដែលបានប្រតិស្ឋានលើទឹកដីចក្រភពអង្គរដ៏ស្រស់បវរ ស្ថិតក្នុងប្រព័ន្ធជំនឿយ៉ាងណា? ទស្សនៈ-នយោបាយ ព័ត៌មានជាតិថ្ងៃសុក្រ ទី១៧ ខែវិច្ឆិកា ឆ្នាំ២០២៣ 247
ឧបនាយករដ្ឋមន្រ្តីប្រចាំការ វង្សី វិស្សុត ផ្ញើសារអបអរសាទរ និងគោរពជូនពរសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសទទួលបានការបោះឆ្នោតជ្រើសតាំង ជាប្រធានកាកបាទក្រហមកម្ពុជា អាណត្តិទី៧ ព័ត៌មានជាតិថ្ងៃសៅរ៍ ទី១៦ ខែធ្នូ ឆ្នាំ២០២៣ 880
(វីដេអូ) សម្តេចធិបតី ហ៊ុន ម៉ាណែត និងលោកជំទាវ អញ្ជើញដល់ក្រុងណាននីង ត្រៀមអញ្ជើញបើកពិព័រណ៍ចិន-អាស៊ាន ទំព័ររូបថត ទំព័រវីដេអូ ព័ត៌មានជាតិថ្ងៃសៅរ៍ ទី១៦ ខែកញ្ញា ឆ្នាំ២០២៣ 302