លិខិតមិត្តអ្នកអាន៖ សមាជិកអាស៊ាន គួរតែពង្រឹងកិច្ចសហការរួមគ្នាជាមួយកម្ពុជា ដើម្បីលុបបំបាត់បណ្តាញឧក្រិដ្ឋកម្មអនឡាញឲ្យបានដូចគ្នា និងឲ្យខាងតែបាន

លិខិតមិត្តអ្នកអាន៖ សមាជិកអាស៊ាន គួរតែពង្រឹងកិច្ចសហការរួមគ្នាជាមួយកម្ពុជា ដើម្បីលុបបំបាត់បណ្តាញឧក្រិដ្ឋកម្មអនឡាញឲ្យបានដូចគ្នា និងឲ្យខាងតែបាន

(ភ្នំពេញ)៖ ការចាត់វិធានការយ៉ាងម៉ឺងម៉ាត់របស់ សម្តេចតេជោ ហ៊ុន សែន ក្នុងនាមជាប្រមុខរដ្ឋស្តីទី និង សម្តេចធិបតី ហ៊ុន ម៉ាណែត ក្នុងនាមនាយករដ្ឋមន្ត្រី គឺជាជំហានដ៏សំខាន់ និងមានតម្លៃជាយុទ្ធសាស្ត្រសម្រាប់កិច្ចការពារសន្តិសុខជាតិ សន្តិសុខសង្គម និងកិត្តិយសជាតិលើឆាកអន្តរជាតិ ក្នុងការប្រយុទ្ធប្រឆាំងឧក្រិដ្ឋកម្មអនឡាញ ប្រឆាំងការជួញដូរមនុស្ស ប្រឆាំងការឆបោកតាមប្រព័ន្ធឌីជីថល និងប្រឆាំងបណ្តាញឧក្រិដ្ឋកម្មឆ្លងដែនចូលមកកម្ពុជា។

ការប្តេជ្ញាចិត្តនេះមិនត្រឹមតែជាការពង្រឹងនីតិរដ្ឋ និងកិច្ចការពារអធិបតេយ្យភាពជាតិ កម្ពុជាប៉ុណ្ណោះទេ ប៉ុន្តែថែមទាំងបង្ហាញថា កម្ពុជាកំពុងដើរតួនាទីជាគំរូក្នុងតំបន់អាស៊ានទាំងមូល The Association of Southeast Asian Nations (ASEAN) ក្នុងការកសាងសហគមន៍ដែលមានសុវត្ថិភាព ស្អាតស្អំ និងផ្អែកលើច្បាប់ (rule-based regional order from Cambodia)។

ក្នុងបរិបទសន្តិសុខតំបន់ ឧក្រិដ្ឋកម្មអនឡាញគឺជាអំពើឧក្រិដ្ឋកម្មឆ្លងដែនដែលប៉ះពាល់ដល់សេដ្ឋកិច្ច សិទ្ធិមនុស្ស សន្តិសុខសាធារណៈ និងភាពជឿជាក់របស់វិនិយោគិនអន្តរជាតិ។ ដូច្នេះ ការដឹកនាំរបស់រាជរដ្ឋាភិបាលកម្ពុជា ក្នុងការបង្ក្រាបបណ្តាញទាំងនេះ គឺជាការរួមចំណែកដោយផ្ទាល់ក្នុងការពង្រឹងគោលការណ៍នៃសហគមអាស៊ាន Association of Southeast Asian Nations ស្តីពីសន្តិភាព ស្ថិរភាព និងកិច្ចសហប្រតិបត្តិការតំបន់។

ប្រទេសសមាជិកអាស៊ាន (Association of Southeast Asian Nations) ផ្សេងៗទៀតក៏គួរតែពង្រឹងកិច្ចសហការរួមគ្នាជាមួយកម្ពុជា ដើម្បីលុបបំបាត់បណ្តាញឧក្រិដ្ឋកម្មអនឡាញឲ្យបានដូចគ្នា និងឲ្យខាងតែបាន ព្រោះបញ្ហានេះមិនអាចដោះស្រាយដោយប្រទេសណាមួយតែម្នាក់ឯងបានទេ។ កម្ពុជាកំពុងបង្ហាញថា ការដឹកនាំដែលមានឆន្ទៈនយោបាយច្បាស់លាស់ និងការអនុវត្តច្បាប់យ៉ាងតឹងរឹង អាចធ្វើឲ្យប្រទេសមួយគឺកម្ពុជានឹងក្លាយជាគំរូនៃការពង្រឹងសណ្តាប់ធ្នាប់សង្គម និងភាពជឿជាក់ជាអន្តរជាតិ។

នេះគឺជាការបោះជំហានដ៏មានសារៈសំខាន់ក្នុងការរួមចំណែកកសាងអាស៊ានរបស់កម្ពុជា ដែលប្រកបដោយភាពស្អាតស្អំ សុវត្ថិភាព និងការកសាងអនាគតអាស៊ានរួមគ្នាមួយប្រកបដោយសន្តិភាព និងវិបុលភាពសម្រាប់ប្រជាជនអាស៊ានទាំងមូល៕

ដោយ៖ លោក អាន ប៉ាស្ទី (AN Pasty) អ្នកជំនាញច្បាប់អន្តរជាតិ ភូមិសាស្ត្រនយោបាយ និងជាអ្នកការទូតអាជីព អតីតជាអ្នកការទូតកម្ពុជាប្រចាំអាមេរិកឡាទីន

-Fresh News-