(Cambodia PR Team) ទាក់ទងនឹងការចោទប្រកាន់របស់ក្រុមប្រឆាំងជុំវិញបញ្ហាព្រំដែនកម្ពុជា-ថៃ ថ្ងៃទី២៩ ខែមេសា ឆ្នាំ ២០២៦

(Cambodia PR Team) ទាក់ទងនឹងការចោទប្រកាន់របស់ក្រុមប្រឆាំងជុំវិញបញ្ហាព្រំដែនកម្ពុជា-ថៃ ថ្ងៃទី២៩ ខែមេសា ឆ្នាំ ២០២៦

ការឆ្លើយតបរបស់ក្រុមការងារសាធារណមតិកម្ពុជា (Cambodia PR Team) ទាក់ទងនឹងការចោទប្រកាន់របស់ក្រុមប្រឆាំងជុំវិញបញ្ហាព្រំដែនកម្ពុជា-ថៃ ថ្ងៃទី២៩ ខែមេសា ឆ្នាំ ២០២៦

សំណួរទី ១៖ តើយោធាថៃពិតជាបានឈ្លានពានចូលទឹកដីខ្មែរនៅខេត្តប៉ៃលិន ដូចដែលក្រុមប្រឆាំងលើកឡើង មែនដែរឬទេ?

ចម្លើយ៖ ការចោទប្រកាន់របស់ក្រុមប្រឆាំងថា យោធាថៃបានឈ្លានពានចូលទឹកដីកម្ពុជានៅខេត្តប៉ៃលិន គឺជា ព័ត៌មានមិនពិត និងត្រូវបានរដ្ឋបាលខេត្តប៉ៃលិនបដិសេធទាំងស្រុង។ អាជ្ញាធរបានបញ្ជាក់យ៉ាងច្បាស់ថា នេះគឺជា ព័ត៌មានក្លែងក្លាយ បំភ្លៃការពិត និងគ្មានមូលដ្ឋានច្បាស់លាស់ ដែលបានផ្សព្វផ្សាយក្នុងគោលបំណងបង្កការភាន់ច្រឡំ និងធ្វើឱ្យសាធារណជនមានការព្រួយបារម្ភ។
រដ្ឋបាលខេត្តប៉ៃលិនបានគូសបញ្ជាក់ថា អាជ្ញាធរគ្រប់លំដាប់ថ្នាក់ និងកងកម្លាំងសមត្ថកិច្ចពាក់ព័ន្ធ កំពុងអនុវត្តភារកិច្ច យ៉ាងម៉ឺងម៉ាត់ក្នុងការការពារ និងរក្សាអធិបតេយ្យភាព បូរណភាពទឹកដី និងសន្តិសុខនៅតាមបន្ទាត់ព្រំដែន ដោយមិនអនុញ្ញាត ឱ្យមានការរំលោភបំពានណាមួយឡើយ៕