ក្រសួងការបរទេសម៉ាឡេស៊ីប្រកាសថា នាយករដ្ឋមន្ត្រីម៉ាឡេស៊ី អាន់វ៉ា មិនបានដឹងការមកដល់របស់ សម រង្ស៉ី នោះទេ ហើយក៏មិនមានកម្មវិធីណាមួយ ជាមួយមេដឹកនាំប្រឆាំងកម្ពុជារូបនោះឡើយ, សម រង្ស៉ី ត្រូវបានចាកចេញពីម៉ាឡេស៊ីនៅព្រឹកថ្ងៃទី៣១ ឧសភា

ដោយ៖ ម៉ម សុគន្ធ | ថ្ងៃព្រហស្បតិ៍ ទី១ ខែមិថុនា ឆ្នាំ២០២៣ ព័ត៌មានជាតិ 110

(ភ្នំពេញ)៖ យោងតាមសេចក្តីប្រកាសព័ត៌មានផ្លូវការ របស់ក្រសួងការបរទេសប្រទេសម៉ាឡេស៊ី បានឱ្យដឹងថានាយករដ្ឋមន្រ្តីម៉ាឡេស៊ីលោក Anwar Ibrahim មិនបានជ្រាបអំពីការមកដល់របស់លោក សម រង្ស៉ី នោះទេ ហើយក្រសួងការបរទេសម៉ាឡេស៊ី ក៏បានបញ្ជាក់ថា លោកនាយករដ្ឋមន្រ្តី អាន់វ៉ា មិនមានកម្មវិធីសាធារណៈណាមួយជាមួយមេដឹកនាំក្រុមប្រឆាំងរូបនោះឡើយ។

ក្រសួងការបរទេសម៉ាឡេស៊ី បានអះអាងថា លោក សម រង្ស៉ី ត្រូវបានចាកចេញពីម៉ាឡេស៊ី នៅព្រឹកថ្ងៃទី៣១ ខែឧសភា ឆ្នាំ២០២៣។

មន្រ្តីការទូតបានឲ្យដឹងថា ការចាកចេញរបស់លោក សម រង្ស៉ី នេះមានន័យស្មើ «មិនស្វាគមន៍» ចំពោះវត្តមានរបស់ខ្លួននៅទឹកដីម៉ាឡេស៊ី។

ខាងក្រោមនេះជាសេចក្តីប្រកាសផ្លូវការទាំងស្រុងរបស់ក្រសួងការបរទេសម៉ាឡេស៊ី, សូមអានខ្លឹមសារ៖

សេចក្តីប្រកាសព័ត៌មានរបស់ក្រសួងការបរទេសម៉ាឡេស៊ី
ស្តីពីវត្តមានលោក សម រង្ស៊ី នៅប្រទេសម៉ាឡេស៊ី

ទាក់ទិននឹងវត្តមានរបស់អតីតប្រធានគណបក្សប្រឆាំងកម្ពុជា លោក សម រង្ស៊ី នៅប្រទេសម៉ាឡេស៊ី ក្រសួងការបរទេសម៉ាឡេស៊ីសូមបញ្ជាក់ជាថ្មីថា លោកនាយករដ្ឋមន្ត្រីម៉ាឡេស៊ី YAB Dato’ Seri Anwar Ibrahim មិនបានជ្រាបអំពីការមកដល់របស់លោក សម រង្ស៊ី ទេ។

យ៉ាងណាក៏ដោយ លោក សម រង្ស៊ី បានចាកចេញពីប្រទេសម៉ាឡេស៊ីហើយនៅព្រឹកនេះ (៣១ ឧសភា) ហើយគ្មានកម្មវិធីសាធារណៈណាមួយត្រូវបានប្រារព្ធឡើយអំឡុងពេលវត្តមានលោក សម រង្ស៊ី នៅប្រទេសម៉ាឡេស៊ី។

Putrajaya
ថ្ងៃទី៣១ ខែឧសភា ឆ្នាំ ២០២៣

អត្ថបទទាក់ទង

សម្តេចតេជោ ហ៊ុន សែន ចាត់ប្រមុខការទូតកម្ពុជា ចូលរួមពិធី ចូលកាន់តំណែងជាផ្លូវការរបស់ឯកឧត្តមប្រធានាធិបតីតួកគី ព័ត៌មានជាតិថ្ងៃសុក្រ ទី២ ខែមិថុនា ឆ្នាំ២០២៣ 85
រាជរដ្ឋាភិបាលកម្ពុជាបានសហការជាមួយអាជ្ញាធរឡាវជួយសង្គ្រោះនារីខ្មែរ៧រូប ដែលរងគ្រោះដោយការជួញដូរបានទាន់ពេលវេលា, អាជ្ញាធរពាក់ព័ន្ធកំពុងបន្តខិតខំប្រឹងប្រែងដើម្បីនារីរងគ្រោះអាចវិលត្រឡប់មកកម្ពុជាវិញបានឆាប់រហ័ស ព័ត៌មានជាតិថ្ងៃអាទិត្យ ទី១ ខែតុលា ឆ្នាំ២០២៣ 181
អ្នកវិភាគចៅចាក់ស្មុក៖ ក្រុមប្រឆាំងជ្រុលនិយមដឹកនាំដោយជនក្បត់ជាតិ ៣ ជំនាន់កំពុងជួបវិបត្តិ ក្រោយបរាជ័យធ្ងន់ធ្ងរក្នុងការញុះញង់បំផ្លាញការបោះឆ្នោតនៅកម្ពុជា, ទោះខំប្រឹងកុហកបោកប្រាស់យ៉ាងណា ក៏ពលរដ្ឋខ្មែរមិនជឿទៀតដែរ! ទស្សនៈ-នយោបាយថ្ងៃសៅរ៍ ទី២៩ ខែកក្កដា ឆ្នាំ២០២៣ 243
ឯកឧត្តម អាន សុខខឿន៖ «ថ្មីៗនេះ វិទ្យុបរទេសមួយដែលផ្សាយជាខេមរភាសា បានផ្សាយថា អង្គការសហប្រជាជាតិបានទាមទារឱ្យរាជរដ្ឋាភិបាលកម្ពុជា ដោះលែងទណ្ឌិតមួយរូប ជាបន្ទាន់និងគ្មានលក្ខខណ្ឌ ព័ត៌មានជាតិថ្ងៃព្រហស្បតិ៍ ទី១៣ ខែកក្កដា ឆ្នាំ២០២៣ 229
អ្នកវិភាគចៅចាក់ស្មុក៖ ការរិះគន់មួលបង្កាច់វាយប្រហារគ្រប់បែបយ៉ាងដោយគ្មានមូលដ្ឋានរបស់ក្រុមប្រឆាំងជ្រុលនិយម ជាការចូលរួមពង្រឹងមូលដ្ឋានបន្ថែមនៃជំនឿទុកចិត្តយ៉ាងរឹងមាំរបស់ពលរដ្ឋខ្មែរ ចំពោះគណបក្សប្រជាជនកម្ពុជា, សម្តេចតេជោ ហ៊ុន សែន និងយុវជនបន្តវេន ទស្សនៈ-នយោបាយថ្ងៃសុក្រ ទី២៨ ខែកក្កដា ឆ្នាំ២០២៣ 257
ព្រះមហាក្សត្រ ចេញព្រះរាជក្រឹត្យលើកលែងទោសឲ្យ លោក អ៊ូ ច័ន្ទឫទ្ធ និងលោក ទុំ ប៊ុនថន តាមសំណើទូលថ្វាយរបស់ សម្ដេចតេជោ ហ៊ុន សែន ព័ត៌មានជាតិថ្ងៃសុក្រ ទី២ ខែមិថុនា ឆ្នាំ២០២៣ 165