ភាគហ៊ុន Alibaba ធ្លាក់ចុះខ្ទង់ ៤ភាគរយ ក្រោយ CEO ផ្នែក Cloud ប្រកាសលាលែងពីតំណែង

ដោយ៖ ម៉ម សុគន្ធ | ថ្ងៃអង្គារ ទី១២ ខែកញ្ញា ឆ្នាំ២០២៣ ព័ត៌មានសេដ្ឋកិច្ច 534

FN- (បរទេស)៖ ថ្មីៗនេះទទួលបានដំណឹងថា នាយកប្រតិបត្តិក្រុមហ៊ុន Cloud ដែលជាបុត្រសម្ព័ន្ធរបស់ក្រុមហ៊ុន Albaba លោក Daniel Zhang នឹងលាលែងពីតំណែងនៅឆ្នាំក្រោយនេះ ខណៈការប្រកាសរបស់លោកបានធ្វើឱ្យភាគហ៊ុនរបស់ Alibaba ធ្លាក់ចុះចំនួន ៤ភាគរយភ្លាមៗ។ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី១១ ខែកញ្ញា ឆ្នាំ២០២៣។

យោងតាមលិខិតផ្ទៃក្នុងរបស់ Alibaba បានឱ្យដឹងថា លោក Zhang នឹងលាលែងពីតំណែងនៅខែឧសភា ឆ្នាំ២០២៤ ខាងមុខនេះ។ ដោយឡែកចំពោះតួនាទីជា CEO នៅក្រុមហ៊ុន Alibaba Cloud ត្រូវបានគេឱ្យដឹងថា នឹងតែងតាំងលោក Chen Lei ដែលជាប្រធាន Alibaba Cloud បច្ចុប្បន្នទៅទទួលដំណែងនេះជំនួសវិញ។

យ៉ាងណាមិញការសម្រេចចាកចេញពីតួនាទីរបស់លោក Zhang មិនត្រូវបានប្រភពគូសបញ្ជាក់ថា មកពីមូលហេតុអ្វីនោះទេ ប៉ុន្តែការបាត់បង់វត្តមានរបស់លោកត្រូវបានគេរំពឹងថា នឹងប៉ះទង្គិចដល់អាជីវកម្ម Cloud របស់ Alibaba ជាខ្លាំង។ ខណៈដំណឹងនៃការចាកចេញរបស់លោក Zhang ក៏កើតឡើងចំពេលដែលក្រុមហ៊ុន Alibaba កំពុងប្រឈមមុខនឹងការត្រួតពិនិត្យកាន់តែខ្លាំងឡើងពីនិយតករចិនផងដែរ។ Alibaba Cloud គឺជាក្រុមហ៊ុនផ្តល់សេវាកម្ម Cloud ធំជាងគេលំដាប់ទី២ នៅក្នុងប្រទេសចិន បន្ទាប់ពីក្រុមហ៊ុន Tencent Holding Ltd ក្នុងរយៈប្រកួតប្រជែងប៉ុន្មានឆ្នាំចុងក្រោយនេះ។

គួរជម្រាបដែរថា កាលពីខែមីនាកន្លងទៅ Alibaba បានបំបែកក្រុមហ៊ុនទៅជា ៦ផ្នែកដាច់ដោយឡែកពីគ្នាដោយក្នុងនោះ Alibaba ជាក្រុមហ៊ុនគោល និងមាន ៥ផ្នែកទៀតរួមមានអង្គភាព Cloud, e-commerce, logistics, media និង entertainment ជាអង្គភាពដែលស្ថិតនៅក្រោមការគ្រប់គ្រង ខណៈអង្គភាពទាំងនេះនឹងត្រូវបានត្រួតពិនិត្យដោយនាយកប្រតិបត្តិ និងក្រុមប្រឹក្សាភិបាលរៀងៗខ្លួនរបស់ពួកគេ៕

អត្ថបទទាក់ទង

ឥណ្ឌូណេស៉ីប្រកាសថា អាស៊ាននឹងធ្វើសមយុទ្ធយោធារួមគ្នាជាលើកដំបូងបង្អស់ នៅសមុទ្រចិនខាងត្បូង ក្នុងឆ្នាំនេះ ព័ត៌មានអន្តរជាតិថ្ងៃព្រហស្បតិ៍ ទី៨ ខែមិថុនា ឆ្នាំ២០២៣ 324
BREAKING: អ្នកបើកបរឧទ្ធម្ភាគចក្រម្នាក់ទៀត ត្រូវបានរកឃើញហើយ ស្លាប់នៅចំងាយប្រមាណ២១០ម៉ែត្រពីកន្លែងយន្តហោះធ្លាក់ ព័ត៌មានជាតិថ្ងៃអង្គារ ទី៣០ ខែកក្កដា ឆ្នាំ២០២៤ 358
(វីដេអូ) សារលិខិតជូនពរ សម្តេចធិបតី ហ៊ុន ម៉ាណែត ជូនចំពោះ នាយទាហាន នាយទាហានរង និងពលទាហាន កងទ័ពជើងគោក នៃកងយោធពលខេមរភូមិន្ទ ទំព័រវីដេអូ ព័ត៌មានជាតិថ្ងៃចន្ទ ទី២២ ខែមករា ឆ្នាំ២០២៤ 294
វេទិកាសម្ព័ន្ធសង្គមស៊ីវិល ចេញសេចក្តីប្រកាសព័ត៌មានពីរបាយការណ៍បឋមរបស់អ្នកសង្កេតការណ៍ជាតិ និងអន្តរជាតិ និងបានធ្វើការសន្និដ្ឋាន ៧ចំណុច ព័ត៌មានជាតិថ្ងៃអាទិត្យ ទី២៣ ខែកក្កដា ឆ្នាំ២០២៣ 311
ទស្សនាទិដ្ឋភាពពេលរាត្រីថ្ងៃទី២ នៃព្រះរាជពិធីបុណ្យអុំទូក ! ទំព័ររូបថត ព័ត៌មានជាតិថ្ងៃចន្ទ ទី២៧ ខែវិច្ឆិកា ឆ្នាំ២០២៣ 904
សម្តេចធិបតី ហ៊ុន ម៉ាណែត អញ្ជើញចូលរួមកិច្ចប្រជុំកំពូលអាស៊ាន-អង្គការសហប្រជាជាតិ លើកទី១៣ ទំព័ររូបថត ព័ត៌មានជាតិ អាស៊ាន | ASEANថ្ងៃព្រហស្បតិ៍ ទី៧ ខែកញ្ញា ឆ្នាំ២០២៣ 340