លោក ហ៊ុន សែន ចែករំលែកអត្ថបទអ្នកវិភាគថៃដែលថា កម្ពុជាដើរតាម UNCLOS ខណៈថៃ «មិនទាន់យល់ហ្គេមច្បាប់អន្តរជាតិ»
លោក ហ៊ុន សែន ចែករំលែកអត្ថបទអ្នកវិភាគថៃដែលថា កម្ពុជាដើរតាម UNCLOS ខណៈថៃ «មិនទាន់យល់ហ្គេមច្បាប់អន្តរជាតិ»
ភ្នំពេញ៖ ប្រមុខរដ្ឋស្តីទី លោក ហ៊ុន សែន នៅថ្ងៃទី៨ ខែមិថុនា បានចែករំលែកអត្ថបទវិភាគរបស់សាស្ត្រាចារ្យថៃ Akaraphong Khamkhun ដែលអះអាងថា កម្ពុជាបានដើរតាមនីតិវិធីច្បាប់អន្តរជាតិយ៉ាងត្រឹមត្រូវក្នុងការចាប់ផ្តើមយន្តការផ្សះផ្សាដោយបង្ខំក្រោមអនុសញ្ញា UNCLOS ខណៈភាគីថៃនៅតែខ្វះការយល់ដឹង និងការត្រៀមខ្លួនចំពោះដំណើរការច្បាប់អន្តរជាតិនេះ។
លោក ហ៊ុន សែន បានបញ្ជាក់ថា លោកមិនធ្វើអត្ថាធិប្បាយបន្ថែមលើខ្លឹមសារអត្ថបទនោះទេ ប៉ុន្តែចង់ឱ្យប្រជាជនកម្ពុជា និងថៃបានអាន និងពិចារណាដោយខ្លួនឯង។
នៅក្នុងអត្ថបទវិភាគ សាស្ត្រាចារ្យរូបនេះបានលើកឡើងថា ការត្អូញត្អែររបស់ថៃថា «កម្ពុជាដើរហ្គេមលឿនជាង» គឺបង្ហាញពីការមិនបានយល់អំពីច្បាប់សមុទ្រអន្តរជាតិ ខណៈកម្ពុជាគ្រាន់តែអនុវត្តតាមនីតិវិធីដែលមានចែងក្នុង UNCLOS បន្ទាប់ពីថៃសម្រេចលុបចោល MOU 44 ដោយឯកតោភាគី។
អ្នកវិភាគថៃក៏បានព្រមានថា ការប្រើប្រាស់មនោសញ្ចេតនាជាតិនិយម និងនយោបាយផ្ទៃក្នុងជំនួសការគោរពច្បាប់អន្តរជាតិ អាចធ្វើឱ្យថៃខាតបង់ទីតាំងលើឆាកអន្តរជាតិ និងបន្តអូសបន្លាយវិវាទជាមួយកម្ពុជា។
