ទស្សនាទិដ្ឋភាពបងប្អូនប្រជាពលរដ្ឋ ដើរលេងកម្សាន្តយ៉ាងសប្បាយរីករាយក្នុងថ្ងៃទី២ នៃព្រះរាជពិធីបុណ្យអុំទូក ខណ:ដែលកម្លាំងសមត្ថកិច្ចបានការពារសន្តិសុខ និងសណ្តាប់ធ្នាប់យ៉ាងល្អប្រសើរ
ទស្សនាទិដ្ឋភាពបងប្អូនប្រជាពលរដ្ឋ ដើរលេងកម្សាន្តយ៉ាងសប្បាយរីករាយក្នុងថ្ងៃទី២ នៃព្រះរាជពិធីបុណ្យអុំទូក ខណ:ដែលកម្លាំងសមត្ថកិច្ចបានការពារសន្តិសុខ និងសណ្តាប់ធ្នាប់យ៉ាងល្អប្រសើរ
(ភ្នំពេញ)៖ បងប្អូនប្រជាពលរដ្ឋយ៉ាងច្រើនកុះករបានដើរលេងកម្សាន្តយ៉ាងសប្បាយរីករាយក្នុងថ្ងៃទី២ នៃព្រះរាជពិធីបុណ្យអុំទូក ខណ:ដែលកម្លាំងសមត្ថកិច្ចបានការពារសន្តិសុខ និងសណ្តាប់ធ្នាប់យ៉ាងល្អប្រសើរ។
លោក ចាប ឌីណា អភិបាលរងខណ្ឌដូនពេញ បានបញ្ជាក់ពីមាត់ទន្លេទីប្រចាំបញ្ជាថា នៅថ្ងៃទី២ នៃព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក មានបងប្អូនប្រជាពលរដ្ឋយ៉ាងច្រើនកុះករ ច្រើនជាងថ្ងៃទី១ទៅទៀត បានសម្រុកមកដើរលេងកម្សាន្តតាមមាត់ទន្លេ និងមុខព្រះបរមរាជវាំង ដើម្បីមើលការប្រណាំងទូក។
លោកបានបញ្ជាក់ថា គិតត្រឹមល្ងាចនេះមនុស្សកាន់តែច្រើនបានមកលេងកម្សាន្ត ប៉ុន្តែទាំងកងកម្លាំង និងអាជ្ញាធរគ្រប់ជាន់ថ្នាក់បានយាមប្រចាំការតាមគោលដៅកគ្រប់កន្លែង ដើម្បីការពារសន្តិសុខ សុវត្ថិភាព និងសណ្តាប់ធ្នាប់យ៉ាងល្អប្រសើរជូនពួកគាត់។
