តើពាក្យការពារសន្តិភាពទោះក្នុងតម្លៃណាក៏ដោយគឺជាពាក្យគំរាមអ្នកប្រឆំាងមែនដែរឬទេ?
តើពាក្យការពារសន្តិភាពទោះក្នុងតម្លៃណាក៏ដោយគឺជាពាក្យគំរាមអ្នកប្រឆំាងមែនដែរឬទេ?
សម្តេចធិបតី ហ៊ុន ម៉ាណែត បានថ្លែងថា ពាក្យការពារសន្តិភាពមិនមែនជាពាក្យគំរាមទេ ពោលគឺបើបាត់សន្តិភាពកុំថាឡើយបក្សប្រឆាំង សូម្បីប្រជាជនទូទាំងប្រទេស មន្រ្តី និងអ្នកគាំទ្របក្សប្រជាជន ក៏រងគ្រោះដោយសារសង្រ្គាមដែរ កុំនិយាយអំពីគណបក្សនយោបាយ បើប្រទេសវៃកាប់ចាក់គ្នាហើយគឺខ្មែរសម្លាប់ខ្មែរ អសន្តិភាព រលាយទាំងអស់គ្នា វេទនាទាំងអស់គ្នា ស្លាប់ទាំងអស់គ្នា ខាតបង់ទាំងអស់គ្នា។
សម្តេចធិបតី ហ៊ុន ម៉ាណែត បានថ្លែងបន្តថា ការការពារសន្តិភាពមិនមែនសំដៅទៅលើការគំរាមអ្នកណានោះទេ ប៉ុន្តែជាការរំលឹកដើម្បីយើងទាំងអស់គ្នារួមគ្នាការពារផលប្រយោជន៍រួមរបស់យើងបានរស់ក្នុងសេចក្តីសុខសាន្ត។
សម្តេចធិបតី ហ៊ុន ម៉ាណែត បានគូសបញ្ជាក់ថា ដើម្បីកុំអោយមានសុបិន្តអាក្រក់យើងត្រូវការពារសន្តិភាពដើម្បីមានសុបិន្តល្អទាំងអស់គ្នា។
សម្តេចធិបតី ហ៊ុន ម៉ាណែត បានថ្លែងបែបនេះនៅក្នុងឱកាសអញ្ជើញជាអធិបតីសម្ពោធ និងប្រសិទ្ធិនាមវិថីតេជោសន្តិភាពអង្កោលខេត្តកែប នៅព្រឹកថ្ងៃទី១១ ខែវិច្ឆិកា ឆ្នាំ២០២៤៕
