លោក ហ៊ុន ម៉ាណែត បានអញ្ជើញដល់ប្រទេសជប៉ុនដើម្បីបំពេញទស្សនកិច្ចរយៈពេល៥ថ្ងៃ

ថ្ងៃពុធ ទី ២៥ មេសា ២០១៨​
60

នាវេលាម៉ោង ៦.១៥ ព្រឹក ថ្ងៃទី ២៥ ខែមេសា ឆ្នាំ២០​១៨នេះ លោក ហ៊ុន ម៉ាណែត បានដឹកនាំគណៈប្រតិភូអញ្ជើញដល់ព្រលានយន្តហោះ ណារីតា ប្រទេសជប៉ុន ដោយសុវត្ថិភាពក្នុងដំណើរបំពេញទស្សនកិច្ចរយៈ​ពេល​៥ថ្ងៃនៅប្រទេសជប៉ុន ចាប់ពីថ្ងៃទី២៤ ដល់ថ្ងៃទី២៩ ខែមេសា ឆ្នាំ២០១៨ តបតាមការអញ្ជើញរបស់រដ្ឋាភិ បាលជប៉ុន ដើម្បីពង្រឹង និងធ្វើឲ្យកាន់តែស៊ីជម្រៅលើការយល់ដឹងពីទំនាក់ទំនងទ្វេភាគីកម្ពុជា-ជប៉ុន ក្រោមកម្មវិធីផ្លាស់ប្តូរយុទ្ធសាស្ត្រកម្រិតអ្នកអនុវត្ត (Program for Strategic Exchanges on Practical Level—STEP) ។

សូមជម្រាបជូនថា ក្នុងអំឡុងពេលទស្សនកិច្ចនៅប្រទេសជប៉ុននេះ លោក ហ៊ុន ម៉ាណែត នឹងអញ្ជើញចូលជួបសម្តែងការគួរសម ជាមួយថ្នាក់ដឹកនាំជាន់ខ្ពស់នៃរដ្ឋាភិបាល ក្រសួងការបរទេស ក្រសួងការពារជាតិ កងស្វ័យការពារ និងគណបក្សប្រជាធិបតេយ្យសេរី ព្រមទាំងជួបពិភាក្សាការងារជាមួយឥស្សរជន និងសមាជិកសភារបស់ជប៉ុនមួយចំនួនទៀតផងដែរ ។

ក្នុងដំណើរអញ្ជើញដល់ព្រលានយន្តហោះណារីតា ប្រទេសជប៉ុន គេសង្កេតឃើញមានវត្តមានតំណាងក្រសួងការបរទេសជប៉ុន និងវត្តមានលោកស្រីឯកអគ្គរាជទូតកម្ពុជាប្រចាំប្រទេសជប៉ុន បានមកទទួលស្វាគមន៍យចំពោះវត្តមានរបស់លោក ហ៊ុន ម៉ាណែត ក្នុងការអញ្ជើញមកបំពេញទស្សនកិច្ចនៅប្រទេសជប៉ុនក្នុងពេលនេះផងដែរ៕

ចែករំលែក

បញ្ចេញយោបល់