នៅព្រឹកថ្ងៃទី២១ ខែវិច្ឆិកា ឆ្នាំ២០១៦នេះ នៅសណ្ឋាគារសានវ៉េ ក្រសួងសុខាភិបាល និងអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន ក្រោមកិច្ចសហការជាមួយភ្នាក់ងារអង្គការសហប្រជាជាតិ (UNODC, WHO, UNAIDS and Colombo Plan) បានរៀបចំវគ្គបណ្តុះបណ្តាល មួយស្តីពីការព្យាបាលអ្នកញៀនគ្រឿងញៀន។
វគ្គបណ្តុះបណ្តាលនេះ មានគោលបំណងផ្តល់ជំនាញដល់គ្រូពេទ្យ ដើម្បីបង្កើនប្រសិទ្ធភាពការព្យាបាលអ្នកញៀនគ្រឿងញៀន ដោយបានអញ្ជើញជំនាញពីមជ្ឈមណ្ឌលបណ្តុះបណ្តាល Colombo Plan ។
នាយឧត្តមសេនីយ៍ មាស វីរិទ្ធ អគ្គលេខាធិការ នៃអគ្គលេខាធិការដ្ឋាន អាជ្ញាធរជាតិប្រយុទ្ធប្រឆាំងគ្រឿងញៀន និង លោកស្រីវេជ្ជបណ្ឌិត ឱ វ៉ាន់ធីន អគ្គនាយកដ្ឋានបច្ចេកទេស នៃក្រសួងសុខាភិបាល បានអញ្ជើញជាអធិបតីក្នុងពិធិបើកវគ្គបណ្តុះបណ្តាលនេះ ដោយមានអ្នកចូលរួមប្រមាណ ៥០ នាក់៕
