កាលពីរសៀលថ្ងៃទី១៧ ខែវិច្ឆិកា ឆ្នាំ២០១៦ លោក ខៀវ កាញារីទ្ធ រដ្ឋមន្ត្រីក្រសួងព័ត៌មានបានទទួលជួបគណៈប្រតិភូជប៉ុន ដែលមានលោក AKIRRA OTO ជាមន្ត្រីក្រសួងគមនាគមន៍ប្រទេសជប៉ុន លោក UKIHISA YAMAMOTO មន្ត្រីក្រសួងគមនាគមន៍ប្រទេសជប៉ុន លោក SHINICHI KIRIYAMA នាយកទទួលបន្ទុកគ្រប់គ្រងទូទៅចំណតកង់ប្រទេសជប៉ុន និងលោក KATAYAMA SHIGESHI នាយករងទទួលបន្ទុកគ្រប់គ្រងចំណតកង់ប្រទេសជប៉ុន ចូលជួបដើម្បីសម្តែងការគួរសម និងពិភាក្សាការងារ។
នៅក្នុងកិច្ចពិភាក្សាការងារនោះ បានរាយការណ៍ពីបច្ចុប្បន្នភាពការងាររបស់លោក ក្នុងការនាំកង់ចូលមកកម្ពុជា ក្នុងគោលបំណងជួយដល់សិស្សក្រីក្រទូទាំងព្រះរាជាណាចក្រកម្ពុជា។
គួរបញ្ជាក់ផងដែរថា ដោយកន្លងមកក្រុមការងារខាងភាគីជប៉ុន បាននាំចូលកង់ និងបានចែកជូនសិស្សក្រីក្រចំនួនជាង២ម៉ឺនគ្រឿង ក្នុងនោះតាមរយៈក្រសួងព័ត៌មានមានប្រមាណជាង៣ពាន់គ្រឿងផងដែរ៕
