សម្តេចតេជោ ហ៊ុន សែន នៅថ្ងៃទី១០ ខែវិច្ឆិកា ឆ្នាំ២០១៦នេះ បានបង្ហោះនៅក្នុងទំព័រហ្វេសប៊ុកផ្ទាល់ខ្លួនដោយធ្វើការប្រៀបធៀបរូបភាពបច្ចុប្បន្ន និងកាលពី៤០ឆ្នាំមុន។
សម្តេចតេជោ បានសរសេរនៅក្នុងហ្វេសប៊ុកថា៖រូបថតប៉ុន្មានសន្លឹកនេះ បានឆ្លុះបញ្ចាំងនូវការផ្លាស់ប្តូរពីរយៈកាលនៃការឈឺចាប់កាលពី៤០ឆ្នាំមុនមកកាន់ដំណាក់កាលថ្មីនៃការអភិវឌ្ឍ។ ៤០ឆ្នាំមុន ខ្ញុំមានអាយុ២៤ឆ្នាំ ពេលនេះ៦៤ឆ្នាំ ភរិយាខ្ញុំ២២ឆ្នាំ ពេលនេះ៦២ឆ្នាំ។ កូនខ្ញុំដែល៤០ឆ្នាំមុនមិនទាន់កើត ពេលនេះពួកគេមានប្រពន្ធ មានប្តី និងមានកូនគ្រប់ៗគ្នាហើយ។
៤០ឆ្នាំមុន ទីនេះជាគុកឥតជញ្ជាំងដែលមនុស្សគ្រប់រូបស្លៀកពាក់ខ្មៅ តែពេលនេះចៅៗរាប់ពាន់នាក់កំពុងរៀនដោយទឹកមុខរីករាយ និងមានសម្លៀកបំពាក់សមរម្យ៕
