កាលពីល្ងាចថ្ងៃទី២៥ ខែតុលា ឆ្នាំ២០១៦នេះ លោក ប៉ា សុជាតិវង្ស អភិបាល នៃគណៈអភិបាលរាជធានីភ្នំពេញ បានរៀបចំទទួលអាហារពេលល្ងាចជូនគណៈប្រតិភូទីក្រុងគីតាគ្យូស៊្យូ ប្រទេសជប៉ុន ដែលដឹកនាំដោយឯកឧត្តម Hiroshi IMANAGA អភិបាលរងក្រុងគីតាគ្យូស៊្យូ។
ការអញ្ជើញមកបំពេញទស្សនកិច្ចនៅកម្ពុជា ជាពិសេសរាជធានីភ្នំពេញ គឺជាទីក្រុងសម្ព័ន្ធមេត្រីភាពដ៏ល្អមួយ ដែលធ្លាប់បានទំនាក់ទំនងគ្នាជាយូរណាស់មកហើយ ព្រមទាំងមានសមិទ្ធផលជាច្រើននៃចំណងមិត្តភាពនេះផងដែរ។
ការបំពេញទស្សនកិច្ចផ្លូវការរបស់គណៈប្រតិភូទីក្រុងគីតាគ្យូស៊្យូ ប្រទេសជប៉ុននេះ គឺដើម្បីចែករំលែកបទពិសោធន៍គ្នាទៅវិញទៅមក ជាពិសេសដើម្បីមើលពីភាពរីកចម្រើនរបស់រាជធានីភ្នំពេញនាពេលបច្ចុប្បន្ននេះផងដែរ៕
