នៅថ្ងៃទី២៦ ខែឧសភា ឆ្នាំ២០១៧នេះ ទំព័រហ្វេសប៊ុកចៅចាក់ស្មុក បានបង្ហោះផ្សាយនូវអត្ថបទមួយដោយដាក់ចំណងជើងថា «ពាក្យសម្តីដែលហៅគេថាជាជនក្បត់ជាតិ ក៏អាចបង្កជាសង្គ្រាមបានដែរ មិនចាំបាច់មានអាវុធឡើយ!» ដែលមានខ្លឹមសារដូចខាងក្រោម៖
ឆ្លើយតបទៅនឹងការលើកឡើងរបស់មេបក្សសង្រ្គោះជាតិថា ពួកគេគ្មានអាវុធ គឺមិនអាចមានសង្រ្គាមទេនោះ! សម្តេចតេជោ ហ៊ុន សែន បានលើកឡើងថា គ្មានអាវុធមិនមែនថា គ្មានសង្រ្គាមនោះទេ តែសង្រ្គាមកើតចេញពីសម្តីរបស់ពួកគេ ដែលបានហៅអ្នកដទៃថាជាជនក្បត់ជាតិ។
សម្តេចតេជោ ហ៊ុន សែន ក៏បានប្រតិកម្មទៅនឹងសកម្មជនគណបក្សសង្រ្គោះជាតិ ក្នុងពេលធ្វើយុទ្ធនាការឃោសនាកន្លងទៅដែលថាអ្នកគាំទ្របក្សប្រជាជនកម្ពុជាសុទ្ធតែជាវៀតណាម។ សម្តេចតេជោ ហ៊ុន សែន ថា សង្រ្គាមវាផុយស្រួយណាស់ ដរាបណាបក្សប្រឆាំងនៅតែធ្វើនយោបាយលាបពណ៌បែបនេះ។ សម្តេចតេជោ ហ៊ុន សែន បានរម្លឹកថា កម្ពុជាបែកបាក់ច្រើនសម័យកាលមកហើយ ដែលល្មមដល់ពេលឈប់បែកបាក់ទៀតហើយ៕
