កាលពីថ្ងៃទី២២ ខែឧសភា ឆ្នាំ២០១៧ វេលាម៉ោង១០ព្រឹក មានអ្នកកាសែតខាំបូឌៀដេលី២នាក់ ដែលមានឈ្មោះ PETER ZSOMBOR ភេទប្រុស អាយុ ៣៩ឆ្នាំ ជនជាតិកាណាដា កាន់ប៉ាស្ព័រលេខ GA108809< 2CAN7 80 9017M1806209 និងម្នាក់ទៀតឈ្មោះ អូន ខាំភាព ភេទប្រុស ជនជាតិខ្មែរ បានចុះមកសម្ភាសន៍ប្រជាពលរដ្ឋនៅឃុំប៉ាតេ ស្រុកអូរយ៉ាដាវ ខេត្តរតនគិរី ដែលជាឃុំដែលអាណត្តិមុនគណបក្ស សម រង្សី ឈ្នះឆ្នោត ហើយអណត្តិនេះពួកគាត់កំពុងងាកមកគាំទ្រគណបក្សប្រជាជនកម្ពុជាវិញ។
យោងតាមរបាយការណ៍បានឱ្យដឹងថា អ្នកកាសែត២នាក់ បានធ្វើការសម្ភាសន៍ប្រជាពលរដ្ឋថា តើអ្នកឯងបោះឆ្នោតឱ្យគណបក្សណា? ប្រជាពលរដ្ឋឆ្លើយថា បោះឆ្នោតឱ្យគណបក្សប្រជាជនកម្ពុជា។ អ្នកកាសែត ក៏បានសួរដេញដោលបន្តទៀតថាអាណត្តិមុនម៉េចបានបោះឆ្នោតឱ្យគណបក្សសម រង្ស៊ី ហើយអាណត្តិនេះ ម៉េចបានបោះឆ្នោតឱ្យគណបក្សប្រជាជនកម្ពុជា? ប្រជាពលរដ្ឋឆ្លើយថាបោះឆ្នោតឱ្យគណបក្សប្រជាជនកម្ពុជាមានផ្លូវ មានសាលារៀន មានមន្ទីរពេទ្យនឹង មានអគិ្គសនី ដាំដំណាំដូចជាដំឡូងមានទីផ្សារងាយលក់ដូរ។
តាមរបាយការណ៍ប្រជាពលរដ្ឋមួយក្រុមទៀត ពេលដែលពួកគាត់ពាក់អាវគណបក្សប្រជាធិបតេយ្យមូលដ្ឋាន ពួកគេបានសួរដេញដោលថា តើអ្នកឯងបោះឆ្នោតឱ្យគណបក្សណា? ប្រជាពលរដ្ឋឆ្លើយថា បោះឆ្នោតឱ្យគណបក្សប្រជាជនកម្ពុជា។ ពួកគាត់សួរដេញដោលទៀតថាហេតុអី្វពាក់អាវគណបក្សប្រជាធិបតេយ្យមូលដ្ឋានហើយបែរជាបោះឆ្នោតឱ្យគណបក្សប្រជាជនវិញ? ប្រជាពលរដ្ឋឆ្លើយទៀតថា ខ្ញុំគ្រាន់តែមកជួយហែរគេយកអាវពាក់ពាក់តែប៉ុណ្ណឹងទេ ។ ពួកគាត់បានសម្ភាសន៍ជាច្រើនក្រុមទៀតដែលយើងមិនអាចប្រមូលព័ត៌មានបានភ្លាមៗ នោះទេ ។
ក្រោយសកម្មភាពខាងលើនេះប្រជាពលរដ្ឋបានមករាយការណ៍ជូនសមត្ថកិច្ចប៉ុស្តិ៍រដ្ឋបាលនគរបាលមូលដ្ឋានដោយពួគគាត់មានការបារម្ភដូចជា៖ ការសួរដេញដោលនេះធ្វើឱ្យប៉ះពាល់សិទ្ធិរក្សាការសម្ងាត់នៃការបោះឆ្នោតរបស់ពួកគាត់។ ពួកគាត់បារម្ភពីសុវត្ថិភាពរបស់ពួកគាត់នៅពេលព័ត៌មាននេះឮដល់គណបក្សដែលពួកគាត់មិនគាំទ្រនិងបារម្ភខ្លាចគណបក្សដែលពួកគាត់មិនគាំទ្រ មានឧបាយកលអី្វមួយបំផ្លាញឆន្ទៈពួកគាត់មិនឱ្យពួកគាត់បោះឆ្នោតតាមឆន្ទ:របស់ពួកគាត់បាន។ ដោយមានការបារម្ភបែបនេះ ទើបពួកគាត់បានដាក់ពាក្យបណ្តឹងមួយប្តឹងជនទាំង២នាក់ខាងលើសូមឱ្យសមត្ថកិច្ចមានវិធានការតាមផ្លូវច្បាប់។
ពាក់ព័ន្ធបញ្ហានេះដែរ លោកខៀវ កាញារីទ្ធិ រដ្ឋមន្ដ្រីក្រសួងព័ត៌មាន ក៏បានអំពាវនាវឱ្យអ្នកសារព័ត៌មានទាំងអស់ គួររៀនច្បាប់បោះឆ្នោត និងក្រមសីលធម៌ក្នុងពេលបោះឆ្នោតឱ្យបានខ្ជាប់ខ្ជួនចៀសវាងការចោទប្រកាន់នានា៕
