ពេលវេលានៃការបោះឆ្នោត គឺជាពេលវេលាដែលបងប្អូនប្រជាពលរដ្ឋទាំងអស់ត្រូវពិចារណាអំពី គុណសម្បត្តិរបស់គណបក្សនយោបាយនីមួយៗឲ្យបានច្បាស់លាស់ មុននឹងសម្រេចចិត្តផ្ដល់សេចក្ដីទុកចិត្ត គាំទ្រដល់គណបក្សណាមួយ។
សន្លឹកឆ្នោតមួយសន្លឹកពិតជាមានតម្លៃខ្លាំងណាស់សម្រាប់អនាគតប្រទេសជាតិ ក៏ដូចជាអនាគតកូនចៅយើងទាំងអស់គ្នា ។ វាអាចជាសន្លឹកឆ្នោតដែលនាំសុខសន្តិភាព និងភាពសម្បូរសប្បាយដល់ខ្លួនយើង និងគ្រួសារយើងម្នាក់ៗ ឬអាចជាសន្លឹកឆ្នោតដែលនាំនូវភាពក្ដៅក្រហាយ ភាពវឹកវ បង្ហូរឈាមគ្នា រវាងខ្មែរនិងខ្មែរសារជាថ្មីម្ដងទៀត។
ដើម្បីជាទុនក្នុងការសម្រេចចិត្ត និងធ្វើឲ្យសន្លឹកឆ្នោតរបស់យើងមានតម្លៃ និងមានប្រយោជន៍ យើងគួរគប្បីពិចារណាជុំវិញសំណួរថា តើក្រុមប្រឆាំងបានធ្វើអ្វីខ្លះសម្រាប់សង្គមជាតិនាពេលកន្លងមករហូតមកដល់សព្វថ្ងៃ?
