គ្រាន់តែរយៈពេលមួយថ្ងៃប៉ុណ្ណោះ គឺនៅថ្ងៃទី៦ ខែកញ្ញា នេះ ក្រុមគ្រូពេទ្យស្ម័គ្រចិត្តរបស់សម្តេចតេជោ បានពិនិត្យ និងព្យាបាលជំងឺ ជូនប្រជាពលរដ្ឋ ទូទាំង ឃុំត្នោតជ្រុំ សរុបទាំងអស់ចំនួន ១៨៧៧នាក់ ក្នុងនោះ មានពលរដ្ឋ ដែលមកពិនិត្យព្យាបាល ជំងឺភ្នែក ត្រចៀក មាត់ធ្មេញ ចំនួន៥០៩នាក់, ពិនិត្យផ្នែក រោគស្រ្តី និងស្រ្តីមានផ្ទៃពោះ ចំនួន១០៥ នាក់ រួមទាំងអ្នកជំងឺទូទៅចំនួន ១៣៥០នាក់ ផងដែរ។
នេះគឺជាលើកទី១ហើយ ដែលក្រុមគ្រូពេទ្យស្ម័គ្រចិត្តបានចុះពិនិត្យ និង ព្យាបាលជំងឺ ដោយឥតគិតថ្លៃ ដល់ប្រជាពលរដ្ឋឃុំត្នោតជ្រំ ហើយថាប្រជាពលរដ្ឋទាំងនោះ បានសម្តែងការត្រេកអរ និងថ្លែងអំណរគុណ យ៉ាងក្រៃលែង ចំពោះ ក្រុមគ្រូពេទ្យស្ម័គ្រចិត្តទាំងអស់ ផងដែរ ។
សូមជំរាបថា សមាគមគ្រូពេទ្យស្ម័គ្រចិត្ត យុវជនសម្តេចតេជោ ជាក្រុមគ្រូពេទ្យស្ម័គ្រចិត្តចម្រុះ ដែលបង្កើតឡើងក្នុងគោលបំណង ជួយពិនិត្យនិងព្យាបាលជំងឺ ជូនប្រជាពលរដ្ឋ ដោយមិនគិតថ្លៃ ។ កន្លងមកក្រុមគ្រូពេទ្យស្ម័គ្រចិត្តសម្តេចតេជោ ក៏តែងបានចុះពិនិត្យ និងព្យាបាលជំងឺ ជូនប្រជាពលរដ្ឋនានា នៅទូទាំងប្រទេស ហើយប្រជាពលរដ្ឋក៏បានអំពាវនាវឲ្យក្រុមការងារនេះចុះទៅពិនិត្យព្យាបាលជម្ងឺដល់ពួកគាត់នៅពេលក្រោយៗទៀតផងដែរ៕
