នៅថ្ងៃទី០៥ ខែឧសភា ឆ្នាំ២០១៧ លោកស្រី ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានសម្រេចផ្តល់ថវិកាចំនួន ៤១,៨១៥ដុល្លារ (បួនម៉ឺនមួយពាន់ប្រាំបីរយដប់ប្រាំដុល្លារអាមេរិក) ដើម្បីខួងអណ្តូងទឹកស្អាតចំនួន ១៥បន្ថែមទៀត ជូនប្រជាពលរដ្ឋខ្វះខាតទឹកប្រើប្រាស់ចំនួន៣៧៥គ្រួសារ ស្មើនឹងមនុស្ស ២,០២៩នាក់ រស់នៅតំបន់ឆ្ងាយដាច់ស្រយាល ស្ថិតក្នុងឃុំចំនួន ៥ នៃស្រុកកូនមុំ ខេត្តរតនគិរី។
គួររំលឹកផងដែរថា ក្នុងរយៈពេល៤ខែ ដើមឆ្នាំ២០១៧នេះ កាកបាទក្រហមកម្ពុជា ផ្តល់អណ្តូងបានចំនួន១៩១ និងស្រះទឹកចំនួន៤ រួចមកហើយ នៅទូទាំងប្រទេសកម្ពុជា ជូនដល់ប្រជាពលរដ្ឋនៅតាមបណ្ដាខេត្តនានា។ សម្រាប់ខេត្តរតនគិរី ទទួលបានអណ្តូងចំនួន១៤ រួចមកហើយក្នុងជំហានទី១នេះ៕
