អាស៊ីកណ្តាលមិនដែលក្លាយជាអាទិភាពកំពូលសម្រាប់សហរដ្ឋអាមេរិក និងស្ថិតក្រោមរដ្ឋការថ្មីរបស់លោក Donald Trump ដែលមានគន្លឹះបង្ហាញផ្លូវមួយចំនួនសម្រាប់ទិសដៅថ្មី។ ជំនួសឱ្យផែនការថ្មីដ៏ធំមួយ គឺមានផែនការជាច្រើនទៀតកាលពីអតីតកាលនឹងនៅតែបន្តដដែល។
នៅឯសន្និសីទមួយនាសប្តាហ៍នេះ ដែលត្រូវបានរៀបចំដោយកម្មវិធីអាស៊ីកណ្តាលរបស់សាកលវិទ្យាល័យ George Washington លោក Paul Stronski គឺជាអ្នកសិក្សាស្រាវជ្រាវជាន់ខ្ពស់នៅ Carnegie Endowment បានទស្សន៍ទាយពីគោលនយោបាយអាមេរិកឆ្ពោះទៅអាស៊ីកណ្តាលក្រោមរដ្ឋការរបស់លោក Trump។ លោក Stronski បាននិយាយថា អាស៊ីកណ្តាលខ្លួនឯងមិនដែលមានកម្លាំងជំរុញនៅពីក្រោយការចូលរួមរបស់អាមេរិកនៅក្នុងតំបន់ទេ។
កាលពីទសវត្សរ៍ទី៩០ នៅពេលដែលសហភាពសូវៀតបានដួលរលំ ក្លាយទៅជារដ្ឋឯករាជ្យថ្មីៗ ចំនួនបួនដប់រដ្ឋ ផលប្រយោជន៍ធំជាងគេរបស់អាមេរិកនៅក្នុងតំបន់ គឺជាប់ទាក់ទិនទៅនឹងក្តីបារម្ភអំពីការមិនរីកសាយភាយសម្ភារៈអាវុធនុយក្លេអ៊ែរ ជីវសាស្រ្ត និងគីមី និងស្ថិរភាពទូទៅនៃរដ្ឋថ្មីៗទាំងនេះ។ បន្ទាប់ពីថ្ងៃទី១១ ខែកញ្ញា ផលប្រយោជន៍អាមេរិកនៅក្នុងតំបន់ត្រូវបានភ្ជាប់ទំនាក់ទំនងជាមួយនឹងប្រទេសអាហ្គានីស្ថាន។
ក្នុងរយៈពេលប៉ុន្មានឆ្នាំថ្មីចុងក្រោយៗនេះ ខណៈដែលមានការផ្តោតយកចិត្តទុកដាក់របស់អាមេរិកលើប្រទេសអាហ្គានីស្ថានបានថយចុះ ប្រទេសរុស្ស៊ីបានបង្ហាញខ្លួនឡើងម្តងទៀត ដោយធ្វើឱ្យមានក្តីបារម្ភ និងមានការចាប់អារម្មណ៍យ៉ាងខ្លាំង ជាពិសេសបន្ទាប់ពីព្រឹត្តិការណ៍នៅក្នុងប្រទេសអ៊ុយក្រែនកាលពីឆ្នាំ២០១៤។ ខណៈដែលរដ្ឋការរបស់លោក Trump បានប្រឹងប្រែងដោយស្ថិតក្រោមទម្ងន់នៃការិយាធិបតេយ្យរបស់ខ្លួនដែលមានបុគ្កលិកតិចតួចនោះ ការត្រួតពិនិត្យឡើងវិញនៃគោលនយោបាយអាស៊ីកណ្តាល គឺមិនស្ថិតនៅក្នុងបញ្ជីរបស់ខ្លួនឡើយ។
លោក Stronski បាននិយាយថា «គោលនយោបាយអាស៊ីកណ្តាលគឺពិតជាមិនទាន់បានរៀបចំរួចរាល់ទេ លុះត្រាណាតែរុស្សី អាហ្គានីស្ថាន និងចិនរៀបចំឱ្យបានរួចរាល់ជាមុនសិន»។ គាត់បានបន្តថា «ជាមូលដ្ឋាន នេះមានន័យថា ប្រសិនបើពុំមានគោលនយោបាយថ្មីរបស់រដ្ឋការលោក Trump ទេ គោលនយោបាយពីមុនរបស់លោក Obama នឹងបន្ត»។
លោក Stronski បានលើកឡើងថា គ្មានអ្វីគួរឱ្យភ្ញាក់ផ្អើលពីរឿងនេះទេ។ នៅពេលដែលលោក Obama បានចូលកាន់តំណែង គាត់ក៏បានបន្តគោលនយោបាយអាស៊ីកណ្តាលពីអ្នកកាន់តំណែងមុនដែរ។ អ្វីជាគន្លឹះបង្ហាញផ្លូវដែលយើងមានអំពីគោលនយោបាយរដ្ឋការរបស់លោក Trump ទាក់ទិនទៅនឹងអាស៊ីកណ្តាល គឺត្រូវបានគេលើកឡើងថា សន្តិសុខនៅតែជាក្តីកង្វល់ដ៏សំខាន់របស់ទីក្រុងវ៉ាស៊ីនតោន៕
(ប្រភព: The Diplomat ចុះថ្ងៃទី០៣ ខែឧសភា ឆ្នាំ២០១៧)
