លោកនាយករដ្ឋមន្រ្តី ហ៊ុន សែន បានបញ្ជាក់ថា សន្តិភាព និងស្ថិរភាពនយោបាយ ត្រូវបានធានារឹងមាំដែល ជាមូលដ្ឋានសម្រាប់ការអភិវឌ្ឍសេដ្ឋកិច្ច និងសង្គម។ លោក បានថ្លែងដូចនេះ នៅក្នុងសារលិខិតអបអរសាទរជាមួយបងប្អូនកម្មករ និយោជិត និយោជក និងជនរួមជាតិទាំងអស់ ក្នុងឱកាសនៃការប្រារព្ធខួបអនុស្សាវរីយ៍លើកទី១៣១ នៃទិវាពលកម្មអន្តរជាតិ១ឧសភា ក្រោមប្រធានបទ «ដើម្បីសន្តិភាព ការងារ មុខរបរ និងអភិវឌ្ឍន៍»។
ប្រមុខរាជរដ្ឋាភិបាលកម្ពុជា បានបញ្ជាក់ថា កម្ពុជា បានដាក់ចេញនិងអនុវត្តដោយជោគជ័យ នូវយុទ្ធសាស្រ្តចតុកោណដំណាក់កាលទី១ និងទី២ និងបានបន្តដាក់ចេញយុទ្ធសាស្រ្តចតុកោណដំណាក់កាលទី៣ ដើម្បីកំណើន ការងារ សមធម៌ និងប្រសិទ្ធភាពនៅកម្ពុជា សម្រាប់ រាជរដ្ឋាភិបាលនីតិកាលទី៥នៃរដ្ឋសភានេះ ដោយផ្តោតការយកចិត្តទុកយ៉ាងខ្លាំងលើកំណែ ទម្រង់លើគ្រប់វិស័យ។ សន្តិភាព និងស្ថិរភាពនយោបាយ ត្រូវបានធានារឹងមាំដែលជាមូលដ្ឋានសម្រាប់ការអភិវឌ្ឍសេដ្ឋកិច្ចសង្គម។
លោកនាយករដ្ឋមន្រ្តី ហ៊ុន សែន ក៏បានបញ្ជាក់នៅក្នុងសារលិខិតថា សេដ្ឋកិច្ចកម្ពុជាសម្រេច បានកំណើនថេរជាមធ្យមប្រចាំឆ្នាំ ៧% អត្រាភាពក្រីក្ររបស់ប្រជាជនត្រូវបានកាត់បន្ថយមក ១៣.៥% និងអត្រាអត់ការងារធ្វើចំនួន ០,៧%។ កម្ពុជា បានប្តូរពីប្រទេសដែលមានចំណូល កម្រិតទាបទៅជាប្រទេសមានចំណូលមធ្យមកម្រិតទាបនៅឆ្នាំ២០៣០ និងកំពុងឈានទៅជាប្រទេសមាន ចំណូលមធ្យមកម្រិតខ្ពស់នៅឆ្នាំ២០៥០៕
