យុទ្ធនាការប្រកួតប្រជែងប្រធានាធិបតីរបស់លោកស្រី ម៉ារីន ឡឺប៉ែន បានចាប់ផ្តើមដ៏ខ្លាំង ក្នុងខណៈគូប្រជែងរបស់លោកស្រី Emmanuel Macron ប្រឈមមុខនឹងការចោទប្រកាន់ពីការរីករាយចិត្តខ្លាំង។ ប៉ុន្តែ តើលោកស្រីនឹងឈ្នះឆ្នោតដែរឬទេ?
យោងតាមការស្ទង់មតិថ្មីមួយរបស់ Harris Interactive បានឲ្យដឹងថា អ្នកបោះឆ្នោតបារាំងប្រហែល ៦១ ភាគរយជឿថា លោកស្រី ម៉ារីន ឡឺប៉ែន បានចាប់ផ្តើមយុទ្ធនាការឃោសនាបោះឆ្នោតនៅជុំទីពីររបស់លោកស្រីបានយ៉ាងល្អ។
ផ្ទុយទៅវិញ អ្នកបោះឆ្នោតចំនួន ៥២ ភាគរយគិតថា គូប្រជែងកណ្តាលនិយមរបស់លោកស្រី Emmanuel Macron បានចាប់ផ្តើមយុទ្ធនាការប្រជែងរបស់គាត់មិនបានល្អនាពេលកន្លងមក។
លោក Macron ត្រូវបានចោទប្រកាន់ពីការសប្បាយចិត្តក្នុងការប្រារព្ធជ័យជំនះដ៏ស្រួចស្រាវរបស់គាត់នៅជុំទីមួយដោយមានពិធីជប់លៀងដ៏លេចធ្លោរមួយនៅក្នុងភោជនីយដ្ឋានដ៏ស្អាតមួយនៅទីក្រុងប៉ារីស។
អ្នកកណ្តាលនិយមរូបនោះបានថ្លែងសុន្ទរកថាជ័យជំនះដ៏ក្អាកក្អាយបន្ទាប់ពីឈ្នះជុំទីមួយនៅថ្ងៃអាទិត្យដោយមានសន្លឹកឆ្នោត ២៤ ភាគរយ លើសលោកស្រី ឡឺប៉ែន ដែលមានសន្លឹកឆ្នោតចំនួន ២១ ភាគរយ។
លោក Macron បាននាំមុខដ៏ច្បាស់នៅក្នុងការស្ទង់មតិនោះ ហើយបានគាំទ្រដោយឥស្សរជននយោបាយសំខាន់ៗ រាប់បញ្ចូលទាំងប្រធានាធិបតីផុតអាណត្តិ Francois Hallande និងគូប្រជែងបោះឆ្នោតរបស់គាត់លោក Francois Fillon។
ការស្ទង់មតិចុងក្រោយរបស់ Opinion Way បានរកឃើញថា លោក Macron មានការគាំទ្រចំនួន ៥៩ ភាគរយ ដែលលើសលោកស្រី ម៉ារីន ឡឺប៉ែន ដែលមានចំនួនតែ ៤១ ភាគ ដែលនៅសល់ត្រឹមតែ ១០ ថ្ងៃទៀតប៉ុណ្ណោះ។
ប៉ុន្តែ លោកស្រី ឡឺប៉ែន បានលៃលកកាត់បន្ថយគំលាតបន្តិចចាប់តាំងពីជុំទីមួយ។ នៅថ្ងៃចន្ទ លោក Macron មានគំលាតចំនួន ៦១ ភាគរយ ហើយលោកស្រី ឡឺប៉ែន មានគំលាតចំនួន ៣៩ ភាគរយ។
អ្នកប្រជាភិថុតស្តាំនិយមរូបនោះនៅតែសង្ឃឹម ថានឹងទទួលបានជ័យជំនះដ៏ភ្ញាក់ផ្អើលនៅថ្ងៃទី ៧ ខែឧសភានៅក្នុងការប្រកួតប្រជែងបោះឆ្នោតរបស់បារាំងដ៏ពិបាកព្យាករណ៍បំផុតមិនដែលធ្លាប់មានពីមុនមក។
ទីប្រឹក្សារបស់ ម៉ារីន ឡឺប៉ែន លើកឡើងថា លោកស្រីនឹងយកជ័យជំនះលើ Macron។
វាបានកើតឡើងបន្ទាប់ពីអ្នកធ្វើយុទ្ធនាការចាកចេញរបស់អង់គ្លេសនិងលោក ដូណាល់ ត្រាំ បានបង្ហាញថា អ្នកធ្វើការស្ទង់មតិ ខុស ដោយអះអាងពីជ័យជំនះ ទោះបីជាត្រូវបានព្យាករណ៍ថា នឹងចាញ់ឆ្នោតនៅឆ្នាំ ២០១៦។
លោក Ian Bremmer របស់ក្រុមពិគ្រោះលើហានិភ័យ បានបង្ហាញថា លោកស្រី ម៉ារីន ឡឺប៉ែន មានឱកាសឈ្នះត្រឹមតែ ៣០ ភាគរយ ប៉ុន្តែមានអារម្មណ៍ថា Macron នឹងនៅតែឈ្នះ។
លោក Bremmer បាននិយាយថា “ខ្ញុំមានអារម្មណ៍ថា គាត់នឹងឈ្នះ ប៉ុន្តែវាមិនមែនជាការទួសទាយច្បាស់នោះទេ។ វាសំខាន់ទៅលើចំនួនអ្នកចេញមកបោះឆ្នោត”។
ស្ថាប័ន Economist Intelligence Unit បានព្យាករណ៍ថា លោក Macron នឹងឈ្នះការបោះឆ្នោតផ្តាច់ព្រ័តនោះបន្ទាប់ពីបេក្ខជនសម្រាប់គណបក្សធំៗត្រូវបានធ្លាក់ពីការប្រកួតប្រជែងនោះ៕
ប្រភព៖ Express.co.uk ចុះថ្ងៃ០១ ខែឧសភា ឆ្នាំ២០១៧
