ប្រធានាធិបតីអាមេរិកលោក Donald Trump កាលពីថ្ងៃព្រហស្បតិ៍និយាយថា ជម្លោះដ៏ធ្ងន់ធ្ងរមួយជាមួយកូរ៉េខាងជើង អាចកើតមាននៅក្នុងការប្រឈមមុខទៅលើកម្មវិធីមីស៊ីល និងនុយក្លេអ៊ែររបស់ខ្លួន ក៏ប៉ុន្តែគាត់ក៏ពេញចិត្តឱ្យមានលទ្ធផលការទូតមួយសម្រាប់ជម្លោះនេះផងដែរ។
លោក Trump បានប្រាប់ទីភ្នាក់ងារ Reuters ថា «វាមានឱកាសដែលយើងអាចឈានទៅជម្លោះដ៏ធំសម្បើមជាមួយកូរ៉េខាងជើង។ នេះជារឿងពិតណាស់»។
ទោះជាយ៉ាងណាក៏ដោយលោក Trump និយាយថា គាត់ចង់ឱ្យមានដំណោះស្រាយដោយសន្តិភាពចំពោះវិបត្តិនេះដែលធ្វើឱ្យរំខានដល់ប្រធានាធិបតីអាមេរិកជាច្រើនរូប ដំណោះស្រាយនេះគឺជាផ្លូវមួយដែលគាត់ និងរដ្ឋបាលរបស់គាត់លើកឡើងតាមរយៈការដាក់ឱ្យមានទណ្ឌកម្មសេដ្ឋកិច្ចថ្មី ខណៈដែលជម្រើសយោធាមិនត្រូវបានគេប្រកាន់យក។
គាត់និយាយថា «យើងស្រលាញ់ពេញចិត្ត ដើម្បីដោះស្រាយបញ្ហាទាំងអស់នេះតាម រយៈការទូត ក៏ប៉ុន្តែវាពិបាកខ្លាំងណាស់។
លោក Trump បានសរសើរចំពោះការខិតខំរបស់ប្រធានាធិបតីចិន Xi Jinping ចំពោះការជួយរបស់ចិននៅក្នុងការឱ្យកូរ៉េខាងជើងអត់ធ្មត់។ លោក Trump និយាយថា ខ្ញុំជឿថា ចិនព្យាយាមយ៉ាងលំបាកចំពោះបញ្ហានេះ។ គាត់មិនចង់ឃើញមានភាពចលាចល និងមរណភាពកើតឡើងឡើយ។ គាត់ប្រាកដជាអត់ចង់ឃើញរឿងនេះទាល់តែសោះ។ គាត់ជាមនុស្សល្អ។ គាត់ជាមនុស្សល្អណាស់ ហើយខ្ញុំក៏ស្គាល់គាត់យ៉ាងច្បាស់ផងដែរ។ ជាមួយនឹងការនិយាយដូច្នោះ មានន័យថា គាត់ស្រលាញ់ចិន គាត់ស្រលាញ់ប្រជាជនចិន។ ខ្ញុំដឹងថា គាត់អាចធ្វើកិច្ចការអ្វីមួយ កិច្ចការដែលគាត់ធ្វើបាន គាត់មិនអាចធ្វើបានទៅវិញ។
លោក Trump បាននិយាយរឿងនេះមួយថ្ងៃបន្ទាប់ពីរូបគាត់ ហើយនិងទីប្រឹក្សាសន្តិសុខជាតិកំពូលៗរបស់គាត់ បានផ្តល់ព័ត៌មានដ៏សង្ខេបដល់សមាជិករដ្ឋសភាស្តីពីការគំរាមកំហែងរបស់កូរ៉េខាងជើង ហើយមួយថ្ងៃមុនពេលដែលរដ្ឋមន្រ្តីការបរទេសអាមេរិក Rex Tillson និងដាក់សម្ពាធក្រុមប្រឹក្សាសន្តិសុខអង្គការសហប្រជាជាតិឱ្យមានការដាក់ទណ្ឌកម្មបន្ថែមទៀត ដើម្បីឱ្យកូរ៉េខាងជើងកាន់តែឯកោ ដោយសារកម្មវិធីមីស៊ីល និងអាវុធនុយក្លេអ៊ែររបស់ខ្លួន។
រដ្ឋបាលលោក Trump កាលពីថ្ងៃពុធបានប្រកាសថា «កូរ៉េខាងជើងគឺជាការគំរាមសន្តិសុខជាតិមានលក្ខណៈជាបន្ទាន់ ហើយបញ្ហានេះគឺជាអាទិភាពនយោបាយការបរទេសកំពូល»។
រដ្ឋបាលលោក Trump និយាយថា ខ្លួនផ្តោតទៅលើការដាក់សម្ពាធផ្នែកការទូត និងសេដ្ឋកិច្ច រាប់បញ្ចូលទាំងកិច្ចសហប្រតិបត្តិការរបស់ចិននៅក្នុងការជំទាស់របស់ខ្លួនទៅនឹង កូរ៉េខាងជើង ហើយស្ថានភាពនេះនៅតែបើកចំហឱ្យមានការចរចា។
មន្រ្តីអាមេរិកនិយាយថា ការវាយប្រហារបែបយោធានៅតែជាជម្រើសមួយ ក៏ប៉ុន្តែបែរជានិយាយបន្ធូរស្ថានការណ៍នេះទៅវិញ បើទោះបីជាអាមេរិកខ្លួនឯងបានបញ្ចូននាវាចម្បាំង និងនាវាប្រើថាមពលនុយក្លេអ៊ែរទៅកាន់តំបន់នេះ ក្នុងស្ថានភាពជាការបង្ហាញសាច់ដុំក៏ ដោយ។
ការវាយប្រហារបែបយោធារបស់អាមេរិកណាមួយ នឹងធ្វើឱ្យមាននូវហានិភ័យកើតចេញពីការវាយបករបស់កូរ៉េខាងជើងដ៏ធ្ងន់ ហើយគ្រោះថ្នាក់របួស និងស្លាប់ដ៏ធំនៅជប៉ុន កូរ៉េខាងត្បូង ក៏ដូចជាកងកម្លាំងអាមេរិក ដែលមានវត្តមាននៅក្នុងប្រទេសពីរនេះ។
នៅពេលដែលគេសួរលោក Trump ថា តើលោក Kim Jung Un ជាមនុស្សដែលមានហេតុផលឬ? លោក Trump ឆ្លើយថា «គេក្មេងអាយុ ២៧ ឆ្នាំ ហើយកាន់កាប់របបនេះក្រោយពេលឪពុករបស់គេស្លាប់ទៅ។ ដូច្នេះ និយាយថា តើលោកឯងចង់បានអី មានវ័យទើបតែប៉ុណ្ណឹង វាមិនមែនជាការងាយស្រួលនោះទេ»។
លោក Trump និយាយថា ខ្ញុំមិនឱ្យតម្លៃគាត់ ខ្ញុំគ្រាន់តែនិយាយថា នោះជាការងារពិបាកណាស់ដើម្បីធ្វើ។ ថា តើគាត់ជាមនុស្សមានហេតុផល ឬយ៉ាងណានោះខ្ញុំគ្មានយោបល់ឡើយ។ ខ្ញុំសង្ឃឹមថា គាត់ជាមនុស្សមានហេតុផលទៅចុះ។
ចិនចាត់ទុកអ្នកចិនខាងតៃវាន់ថា ជាខេត្តមួយរបស់ខ្លួន។
លោក Trump និយាយថា បញ្ហរបស់ខ្ញុំគឺថា ខ្ញុំបានបង្កើតទំនាក់ទំនងផ្ទាល់ខ្លួនល្អណាស់ជាមួយលោកប្រធានាធិបតី Xi Jinping។ ខ្ញុំមានអារម្មណ៍ថា គាត់ធ្វើអ្វីៗដែលអាចធ្វើទៅបាននៅក្នុងតួនាទីអំណាចរបស់គាត់ដើម្បីជួយយើងជាមួយស្ថានភាពដ៏ធំនេះ។ ដូច្នេះ ខ្ញុំនឹងមិនបង្កការលំបាកសម្រាប់គាត់នៅពេលនេះឡើយ។ ដូច្នេះខ្ញុំចង់និយាយទៅកាន់គាត់សិន ប្រភព: Chnnel News Asia
