នៅថ្ងៃទី៣០ ខែមេសា ឆ្នាំ២០១៧ លោក សុខ ឥសាន អ្នកនាំពាក្យគណបក្សប្រជាជនកម្ពុជា បានថ្លែងថាមិនមែនរឿងពាក់ព័ន្ធនឹងអ្នក នយោបាយ សុទ្ធតែជារឿងនយោបាយនោះឡើយ។
លោក សុខ ឥសាន បានបញ្ជាក់ថា មានអ្នកវិភាគសង្គមខ្លះ បាននិយាយថារឿងមន្ត្រីអាដហុក ៤ រូប និងមន្ត្រីគ ជ ប ដែលកំពុងជាប់ឃុំ គឺជារឿងនយោបាយដោយសាររឿងនោះមានជាប់ពាក់ព័ន្ធនឹងអ្នកនយោបាយ។ ដូច្នេះឱ្យតែទាក់ទងជាមួយអ្នកនយោបាយគឺជារឿងនយោបាយ។
លោក សុខ ឥសាន ក៏បានបញ្ជាក់ថា ចុះបេីមានអ្នកនយោបាយណាម្នាក់ប្រព្រឹត្តបទល្មេីសព្រហ្មទណ្ឌ ដូចជា បាញ់សម្លាប់គេ ឬចាប់រំលោភកូនគេ តេីបែបនេះជារឿងនយោបាយដែរឬទេ ? ពិតជាមិនមែនជារឿងនយោបាយទេ គឺជារឿងព្រហ្មទណ្ឌយ៉ាងប្រាកដ។
លោក សុខ ឥសាន ក៏បានលើកឡើងថា ជារួមមិនមែនរឿងអីដែលទាក់ទងនឹងអ្នកនយោបាយ សុទ្ធតែជារឿងនយោបាយនោះទេ។ តែគឺជារឿងដែលអ្នកនយោបាយបានប្រព្រឹត្តល្មេីសច្បាប់ ហេីយត្រូវទទួលខុសត្រូវចំពោះមុខច្បាប់ជាចាំបាច់៕
