នៅថ្ងៃទី២៩ ខែមេសា ឆ្នាំ២០១៧នេះ លោក សុខ ឥសាន អ្នកនាំពាក្យគណបក្សប្រជាជន កម្ពុជា បានចេញមកបកស្រាយពីប្រាក់សោធននិវត្តន៍វិស័យឯកជន។
លោក សុខ ឥសាន បានបញ្ជាក់ថា រាជរដ្ឋាភិបាលកំពុងសហការជាមួយអង្គការ អាយឡូ ( អង្គការពលកម្មអន្តរជាតិ) ធ្វើការសិក្សាពីការផ្តល់ប្រាក់សោធននិវត្តន៍ដល់ពលករក្នុងវិស័យឯកជន។ នេះសបញ្ជាក់ពីការយកចិត្តទុកដាក់របស់រាជរដ្ឋាភិបាល មិនត្រឹមតែលើកម្មករនិយោជិតតាមរោងចក្រ សហគ្រាសទេ តែក៏យកចិត្តទុកដាក់ចំពោះបងប្អូនកម្មករ ពលករនៅក្នុងវិស័យឯកជនទាំងអស់ផងដែរ។
លោក សុខ ឥសាន ក៏បានបញ្ជាក់ថា ការគិតគូររបស់រាជរដ្ឋាភិបាល បែបនេះត្រូវបានអង្គការសហជីពជាច្រើនសម្តែងការ អបអរសាទរ និងស្វាគមន៍ ។ សូមបងប្អូនកម្មករពលករវិស័យឯកជន មានក្តីសង្ឃឹមចុះ រាជរដ្ឋាភិបាលគិតហើយតែងតែបានសម្រេច៕
