នៅព្រឹកថ្ងៃទី២៥ ខែមេសា ឆ្នាំ២០១៧នេះ រដ្ឋបាលខេត្តកំពតបានបើកកិច្ចប្រជុំស្តីពីការត្រួតពិនិត្យ លើការគ្រប់គ្រងវត្តមានមន្ត្រីរាជការស៊ីវិល និងមន្ត្រីជាប់កិច្ចសន្យា ក្រោមអធិបតីភាព លោក ស៊ុក សារ៉ាដ អភិបាលរងខេត្តកំពត តំណាងលោក ចាន់ ចេស្តា អភិបាល នៃគណ:អភិបាលខេត្ត និង លោក គឹម ឌីណា អគារធិការរង នៃអគារធិការដ្ឋាន ក្រសួងមុខងារសាធារណ: ។ កិច្ចប្រជុំបានផ្តោតសំខាន់ទៅលើការជម្រុញ និងពង្រឹងប្រព័ន្ធគ្រប់គ្រងវត្តមានមន្រ្តីរាជការស៊ីវិលដែលត្រូវអនុវត្តកាតព្វកិច្ចការងារអោយកាន់តែល្អប្រសើរដែលកំណត់ដោយរាជរដ្ឋាភិបាលកម្ពុជា និងធានាអោយបាននូវនិរន្តរភាព ប្រសិទ្ធភាពនៃការផ្តល់សេវាសាធារណៈរបស់អង្គភាព មន្ទីរ និងស្ថាប័ននីមួយៗផងដែរ ៕
