នៅថ្ងៃទី២២ ខែមេសា ឆ្នាំ២០១៧នេះ លោក សុខ ឥសានអ្នកនាំពាក្យគណបក្សប្រជាជនកម្ពុជា បានលើកឡើងថា មិនមែនជាការបំភិតបំភ័យទេ តែជាការនិយាយការពិត ដែលមានខ្លឹមសារដូចតទៅ៖
វាមិនមែនជាការបំភិតបំភ័យអីទេ គ្រាន់តែនិយាយថា បើសិនជាគណបក្សប្រជាជនកម្ពុជា មិនកាន់អំណាច មិនប្រាកដថាសន្តិភាពត្រូវបានធានាបានស្ថិតស្ថេរនោះទេ ។ វាជាការពិតហើយ សន្តិភាព មិនមែនជាការលេងសើចទេ វាជាការស្លាប់រស់របស់ជាតិនិងប្រជាជន កន្លងទៅ ដោយសារតែមើលស្រាល ។
លោក សុខ ឥសាន បានបញ្ជាក់បន្ថែមថា សន្តិភាពនេះហើយបានជាប្រទេសជាតិធ្លាក់ទៅក្នុងប្រវត្តិសាស្ត្រមួយមានមហន្តរាយធ្ងន់ធ្ងររកអ្វីប្រៀបគ្មាន។ ទម្រាំរកបានសន្តិភាពមកវិញតើត្រូវចំណាយធនធានអស់ប៉ុន្មាន ? ប្រវិត្តុសាស្ត្រជាក់ស្តែងបានបញ្ជាក់ច្បាស់ហើយ។ ដូច្នេះ គ្រាន់តែនិយាយពីការថែរក្សាសន្តិភាព គ្មានអ្វីថាបំភិតបំភ័យ នោះទេ។ ពីព្រោះ គណបក្សផ្សេង មិនមាននយោបាយសន្តិភាព ដូចគណបក្សប្រជាជនកម្ពុជាទេ មានតែចងកំហឹង ការសងសឹក ការគុំគួន ការចងអាឃាដ មិនខុសអីនឹងនយោបាយអាប៉ុលពតនោះទេ ។ តើការការពារសន្តិភាព ជាការគំរាមកំហែង ប្ញុ ជាការបំភិតបំភ័យ ប្ញុ ? ចុះ អ្នកឯងនាំគ្នានិយាយពីការផ្លាស់ប្តូរៗនោះ ជាការរកសន្តិភាព ប្ញ រកសង្គ្រាម ??
