ភ្នំពេញ៖ លោកយករដ្ឋមន្រ្តី ហ៊ុន សែន អំពាវនាវឱ្យជនពិការត្រូវប្រឹងប្រែងងើបឈរដើម្បីសេចក្តីថ្លៃថ្នូរ និងមោទនភាពសម្រាប់ក្រុមគ្រួសារ ហើយភរិយាជនពិការកុំមានការខ្មាសអៀននៅពេលដែលប្តីធ្លាក់ខ្លួនជាជនពិការ។
នេះជាការអំពាវនាវរបស់លោកនាយករដ្ឋមន្រ្តីក្នុងពិធីជួបសំណេះសំណាលជាមួយបងប្អូនយុទ្ធជនពិការ នៃមជ្ឃមណ្ឌលអភិវឌ្ឍន៍យោធិនពិការ របស់សម្តេចតេជោនាយករដ្ឋមន្ត្រី ៣១៧ គូលែន ខេត្តសៀមរាប នៅថ្ងៃទី១៣ ខែមេសា ឆ្នាំ២០១៧នេះ។
លោកបានលើកទឹកចិត្តដល់កូនៗនិងចៅៗរបស់ជនពិការ ត្រូវមានមោទនៈភាពដែលលោកឪពុកនិងជីតាបានលះបង់គ្រប់យ៉ាងក្នុងការធ្វើពលីកម្មបំរើប្រទេសជាតិ ដោយមិនសោកស្តាយសាច់ស្រស់ឈាមស្រស់ឡើយ។
លោក ក៏បានសំដែងការដឹងគុណចគពោះពលីកម្មដ៍ធំធេងរបស់យុទ្ធជននិងបងប្អូនជនពិការទាំងអស់ដែលបានប្តូរអាយុជីវិតដើម្បីបុព្វហេតុការពាជាតិមាតុភូមិនិងសេចក្តីសុខសាន្តជូនប្រជាពលរដ្ឋ៕
