ផ្លែប៉េងប៉ោះត្រូវបានប្រជាជនខ្មែរយើងភាគច្រើនយល់ថា ជាអាហារដ៏មានឱជារសឆ្ងាញ់ ព្រមទាំងដឹងថាវាមានប្រយោជន៍ចំពោះសុខភាពភ្នែកថែមទៀត។ ជាតិអាស៊ិតបែបធម្មជាតិ អង់ទីអុកស៊ីដង់ វីតាមីន និងជាតិរ៉ែដែលមានក្នុងផ្លែប៉េងប៉ោះពិតជាល្អខ្លាំងណាស់សម្រាប់ជួយដល់ការលាងសម្អាតគ្រឿងផាត់មុខ ភាពគគ្រិច កោសិកាងាប់ៗ និងសម្រួលដល់អាការៈខ្លាញ់លើមុខបានយ៉ាងអស្ចារ្យ។
គ្រឿងផ្សំ៖
• ទឹកប៉េងប៉ោះ
• ប្រទាលកន្ទុយក្រពើ
ការណែនាំ៖
1. ចូរយកទឹកប៉េងប៉ោះ និងទឹកប្រទាលកន្ទុយក្រពើក្នុងចំនួនមួយស្មើរគ្នា និងអាចប្រើប្រាស់គ្រប់គ្រាន់។ បន្ទាប់មក អ្នកនឹងទទួលបានទឹកសម្រាប់លាបលើមុខយ៉ាងល្អមួយហើយ។
2. ចូរយកវាលាបលើមុខឲ្យសព្វ ហើយមុនពេលលាងវាចេញ ចូរទុកវាឲ្យ ១៥នាទីសិន ហើយសឹមលាងដោយទឹកក្តៅអ៊ុនៗ។ នោះអ្នកនឹងទទួលបានស្បែកដ៏ភ្លឺរលោង និងមានអារម្មណ៍ថាមុខអ្នកស្អាតល្អតែម្តង។
*ចូរចាំថា បើសិនជាអ្នកមានបញ្ហាអាឡែហ្ស៊ីស្បែក ចូរព្យាយាមលាបវាតែបន្តិចសិនបានហើយ។ បើសិនជាវាបង្កជាការក្រហម ឬរលាក ចូរលាយទឹកប្រទាលកន្ទុយក្រពើច្រើនបន្តិចទៅ៕
