លោក ឡុង ឈុនឡៃ នាំយកទេយ្យទាន និងបច្ច័យទៅប្រគេនព្រះសង្ឃគង់ចាំព្រះវស្សានៅវត្តព្រះច័ន្ទរង្សី ហៅត្រពាំងម្លូ

ថ្ងៃពុធ ទី ១៣ តុលា ២០២១​
3

កំពង់ឆ្នាំង÷ នៅថ្ងៃទី១៣ ខែតុលា ឆ្នាំ២០២១ លោក ឡុង ឈុនឡៃ ប្រធានក្រុមប្រឹក្សាខេត្តកំពង់ឆ្នាំង និងសហការីបាននាំយកទេយ្យទាន និងបច្ច័យទៅប្រគេនព្រះសង្ឃគង់ចាំព្រះវស្សានៅវត្តព្រះច័ន្ទរង្សីហៅត្រពាំងម្លូរ ស្ថិតក្នុងឃុំក្រាំងស្គារ ស្រុកទឹកផុស ខេត្តកំពង់ឆ្នាំង ដើម្បីកសាងសមិទ្ធផលនានាក្នុងវត្ត និងផ្គត់ផ្គង់ចង្ហាន់ប្រចាំថ្ងៃ។

មានប្រសាសន៍ក្នុងឱកាសនោះ លោក ឡុង ឈុនឡៃ ក៏
បានផ្ដាំផ្ញើដល់ព្រះគ្រូចៅអធិការ និង ព្រះសង្ឃ និងពុទ្ធបរិស័ទទាំងអស់សូមចូលរួម ដើម្បីទប់ស្កាត់ការឆ្លងរាលដាលជំងឺកូវីដ-១៩ នៅក្នុងសហមន៍ក្នុងអំឡុងពេលនេះ ជាពិសេសត្រូវអនុវត្តឲ្យបានជាប់ជាប្រចាំតាមសេចក្តីណែនាំរបស់រដ្ឋបាលខេត្ត និងវិធានការនានារបស់ក្រសួងសុខាភិ
បាល ជាពិសេសអនុវត្តតាមអនុសាសន៍របស់ប្រមុខរាជរដ្ឋាភិបាល ៣ការពា និង ៣កុំ ឲ្យបានជាប់ជាប្រចាំ។

ទេយ្យទាន និងបច្ច័យ ដែលលោក ឡុង ឈុនឡៃ និងសហការី បានប្រគេនដល់ព្រះសង្ឃវត្តព្រះច័ន្ទរង្សី(ត្រពាំងម្លូរ) ឃុំក្រាំងស្គារ រួមមាន÷ អង្ករ ២០០ គីឡូក្រាម
ទឹកបរិសុទ្ធវីតាល់ ១០ កេស, ត្រីខ ៥យួរ,មី ៥កេស,បច្ច័យ
ចំនួន ៩.៩០០.០០០រៀលនិង ជូនលោកយាយលោកតាដែលបានក្នុងពិធីចំនួន ៣០០.០០០រៀលផងដែរ។

ក្នុងឱកាសនោះ ព្រះគ្រូកោសលបញ្ញានុរ័ត្ន ផន សុឡា ព្រះគ្រូអនុគណស្រុកទឹកផុសនិងជាព្រះគ្រចៅអធិការវត្តព្រះច័ន្ទរង្សីបានប្រសិទ្ធិពរ ដល់លោក ឡុង ឈុនឡៃ និង សហការី ព្រមទាំងក្រុមគ្រួសារសូមមានសុខភាពល្អ ជន្មាយុយឺនយូរនិងជួបប្រទះនូវពុទ្ធពរព្រះទាំងឡាយ ៤ប្រការគឺអាយុ វណ្ណៈ សុខៈ ពលៈ និង បដិភាណៈកុំបីឃ្លាងឃ្លៀតឡើយ៕

ចែករំលែក

បញ្ចេញយោបល់