ពិធីបើកកិច្ចប្រជុំផ្សព្វផ្សាយស្ដីពីការហាមឃាត់ការធ្វើដំណើរ និងការបិទរមណីយដ្ឋានទេសចរណ៍នៅទូទាំងប្រទេស ជាបណ្ដោះអាសន្ន

ថ្ងៃព្រហស្បតិ៍ ទី ៨ មេសា ២០២១​
7

ស្វាយរៀង៖ នៅថ្ងៃទី៧ ខែមេសា ឆ្នាំ២០២១ នៅសាលប្រជុំព្រៃបាសាក់ អគារ ខ នៃសាលាខេត្ត លោក ម៉ែន វិបុល អភិបាល អភិបាលខេត្តស្វាយរៀង និងជាប្រធានគណៈកម្មការប្រយុទ្ធនិងជំងឺកូវីដ-១៩ ខេត្ត បានអញ្ជើញដឹកនាំកិច្ចប្រជុំផ្សព្វផ្សាយ និងចាត់តាំងការអនុវត្តសេចក្ដីសម្រេចលេខ ៤៤ សសរ ចុះថ្ងៃទី០៦ ខែមេសា ឆ្នាំ២០២១ របស់រាជរដ្ឋាភិបាលកម្ពុជា ស្ដីពីការហាមឃាត់ការធ្វើដំណើរ និងការបិទរមណីយដ្ឋានទេសចរណ៍នៅទូទាំងប្រទេសជាបណ្ដោះអាសន្ន ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។

ក្នុងកិច្ចប្រជុំនេះ លោកអភិបាលខេត្ត បានដាក់ចេញនូវវិធានការមួយចំនួនពាក់ព័ន្ធនឹងការពង្រឹងសន្ដិសុខ សុវត្ថិភាព សណ្ដាប់ធ្នាប់ និងរបៀបរៀបរយសាធារណៈ ក៏ដូចជាការរិតត្បិតការប្រមូលផ្តុំមនុស្សនៅក្នុងមូលដ្ឋាន សំដៅទប់ស្កាត់ការឆ្លងរីករាលដាលនៃ ជំងឺកូវីដ-១៩ នាឱកាសបុណ្យចូលឆ្នាំថ្មីប្រពៃណីជាតិខ្មែរ ដែលនឹងចូលមកដល់នាពេលឆាប់ៗ ខាងមុខនេះ រួមនឹងការពង្រឹងគោលដៅដែលបានរៀបចំនៅតាមព្រំប្រទល់ខេត្តស្វាយរៀង និងខេត្តព្រៃវែង ដើម្បីទប់ស្កាត់ការធ្វើដំណើរឆ្លងទៅឆ្លងមកផ្ទុយពីសេចក្ដីសម្រេចរបស់រាជរដ្ឋាភិបាល។

នៅក្នុងពិធីនោះ ក៏មានការអញ្ជើញចូលរួមក្នុងកិច្ចប្រជុំនេះមានលោកអភិបាលរងខេត្ត លោកស្នងការនគរបាលខេត្ត លោកមេបញ្ជាការកងរាជអាវុធហត្ថ ខេត្ត លោកនាយករដ្ឋបាលសាលាខេត្ត លោកប្រធានមន្ទីរសុខាភិបាលនៃរដ្ឋបាលខេត្ត លោកប្រធានមន្ទីរការងារ និងបណ្តុបណ្តាលវិជ្ជាជីវៈខេត្ត លោកប្រធានមន្ទីរធម្មការ និងសាសនា និងលោកប្រធានមន្ទីរទេសចរណ៍ខេត្ត៕

ចែករំលែក

បញ្ចេញយោបល់