ការបំភ្លឺរបស់សម្ដេចតេជោ ហ៊ុន សែន លើសំណួរដែលថា «តើប្រទេសកម្ពុជាមានបាត់ផ្ទៃដីរបស់ខ្លួនដែរ ឬទេ?» (Video inside)

ថ្ងៃអាទិត្យ ទី ២២ ធ្នូ ២០១៩​
59

(ភ្នំពេញ)៖ អ្វីដែលជាចម្ងល់របស់ក្រុមនិន្នាការប្រឆាំង តែងតែចោទសួរថា «តើប្រទេសកម្ពុជា មានបាត់ផ្ទៃដីរបស់ខ្លួនដែរ ឬទេ?» មិនមែនជារឿងថ្មីនោះទេ ពោលសំណួរតែងតែចោទសួរឡើងជាហូរហែរ ហើយក៏ធ្លាប់ត្រូវបានសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ក្នុងកិច្ចប្រជុំរដ្ឋសភា អាណត្តិទី៤ បានពន្យល់យ៉ាងច្បាស់លើបញ្ហានេះ។

សម្ដេចតេជោ ហ៊ុន សែន បានអះអាងថា ប្រទេសកម្ពុជា មិនមានបាត់បង់ដីបន្ដិចណានោះទេ ពោលបើផ្អែកតាមតួលេខ ដែលគេតែងចាំរត់មាត់ ចំនួន១៨១,០៣៥គីឡូម៉ែត្រក្រឡា ហើយបានកត់ត្រាទុកក្នុងគេហទំព័ររបស់អង្គការសហប្រជាជាតិ បើធៀបជាមួយតួលេខជាក់ស្ដែង គឺមានចំនួនលើស អ្វីដែលបានកត់ត្រាទុកកន្លងមកទៀត។ សម្ដេចតេជោ ហ៊ុន សែន ធ្លាប់បានឲ្យដឹងថា បើអ្វីដែលពិនិត្យ និងវាស់ជាក់ស្ដែង តិចបំផុតក៏លើសប្រមាណ៣០០គីឡូម៉ែត្រក្រឡាដែរ។

សូមជម្រាបថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងលោក ង្វៀន សួនហ្វ៊ុក នាយករដ្ឋមន្ត្រីវៀតណាម កាលពីសប្តាហ៍កន្លងទៅនេះ ទើបនឹងចុះហត្ថលេខា ទទួលស្គាល់លើការងារកំណត់ព្រំសីមា និងការបោះបង្គោលព្រំដែនជាមួយគ្នា ដែលសម្រេចបាន ៨៤ភាគរយ លើព្រំដែនគោកប្រវែង ១,២៧០គីឡូម៉ែត្រ។

ដើម្បីជ្រាបកាន់តែច្បាស់ថាតើសម្ដេចតេជោ ហ៊ុន សែន បកស្រាយយ៉ាងណានោះ សូមទស្សនាវីដេអូទាំងស្រុងនៅខាងក្រោមនេះ៖

បញ្ចេញយោបល់