ប្រាសាទ​បុរាណ​​មួយ​​ អាយុ​កាល​ជាង​១​ពាន់​ឆ្នាំ​ ​នៅ​ត្បូង​ឃ្មុំ​ ​បង្កប់​ភាព​អាថ៌កំបាំង

ថ្ងៃអង្គារ ទី ១០ មករា ២០១៧​
350

ប្រាសាទបុរាណមួយ អាយុកាលជាង១ពាន់ឆ្នាំ ដែលស្ថិតនៅវត្តព្រះធាតុបាស្រី ភូមិព្រះធាតុ ឃុំព្រះធាតុ ស្រុកអូររាំងឪ ខេត្តត្បូងឃ្មុំ នៅបង្កប់ភាពអាថ៌កំបាំង ពុំទាន់មានអ្នកណាស្គាល់ពីឈ្មោះ និងដឹងពីប្រវត្តិច្បាស់លាស់ទេ។

preahtheart-temple-03_large

ព្រះតេជគុណ កែវ យ៉េន ព្រះចៅអធិការវត្តព្រះធាតុបាស្រី មានសង្ឃដីកាប្រាប់ក្រុមការងារ «ផ្លូវទៅស្រុក» ថា៖ “ក្នុងវត្តនេះពីមុនមានប្រាសាទបុរាណមួយ សាងសង់តាំងពីសម័យមុនអង្គរ ប៉ុន្តែគ្មានអ្នកណាស្គាល់ឈ្មោះប្រាសាទច្បាស់ ហើយក៏មិនបានដឹងថា ស្ដេចអង្គណាជាអ្នកសាងសង់ដែរ។ ក្រោយមក មានតាម្នាក់ឈ្មោះតាសៅ បានសាងសង់ប្រាសាទថ្មីពីលើប្រាសាទចាស់ ខណៈនៅក្រោមប្រាសាទគេជឿថា មានរបស់ស័ក្ដិសិទ្ធិ និងរបស់មានតម្លៃជាច្រើន។ ប្រាសាទថ្មី មានអាយុកាលរាប់រយឆ្នាំមកហើយដែរ ខណៈចាស់ៗ ក៏មិនបានដឹងពីប្រវត្តិច្បាស់ដូចគ្នា”។

preahtheart-temple-08_large

តាមឯកសាររបស់មន្ទីរទេសចរណ៍ខេត្តត្បូងឃ្មុំ បានឲ្យដឹងថា នៅខាងមុខវត្តព្រះធាតុបាស្រី អមសងខាងផ្លូវចូល មានគ្រឹះប្រាសាទបុរាណចំនួន២ ដែលសាងសង់ពីថ្មបាយក្រៀម ហើយនៅផ្នែកខាងស្តាំដៃ គេហៅថាវិហារគុក និងផ្នែកខាងឆ្វេងដៃហៅថា វិហារព្រះនិពាន្ត។ ចំណែកនៅក្នុងបរិវេណវត្ត មានប្រាសាទបុរាណមួយ កសាងឡើងអំពីថ្មភក់ក្នុងឆ្នាំ៩៨៣ នៃគ្រឹស្តសករាជ(១០៣៣ឆ្នាំ រហូតដល់បច្ចុប្បន្ន) សង់រាងការ៉េមានទំហំ ១៥X១៥ម៉ែត្រ កម្ពស់៣៣ម៉ែត្រ។ វិសាលភាពប្រាសាទពីលិចទៅកើតប្រវែង ១២៥០ម៉ែត្រ ពីត្បូងទៅជើងប្រវែង ៣០០ម៉ែត្រ៕

អត្ថបទ៖ វិន ជីវ័ន្ត

preahtheart-temple-07_large preahtheart-temple-06_large preahtheart-temple-04_large preahtheart-temple-05_large preahtheart-temple-01_large preahtheart-temple-02_large

បញ្ចេញយោបល់