យុទ្ធនាការផ្សព្វផ្សាយឯកសារច្បាប់ស្តីពីសុវត្ថិភាពចរាចរណ៍ផ្លូវគោក និងរិតបន្តឹងការពាក់មួកសុវត្ថិភាព

ថ្ងៃចន្ទ ទី ៤ មីនា ២០១៩​
91

បាត់ដំបង៖ នៅព្រឹកថ្ងៃទី០៤ ខែមីនា ឆ្នាំ២០១៩នេះ លោក ងួន រតនៈ អភិបាលនៃគណៈអភិបាល ខេត្តបាត់ដំបង និងជាប្រធានអនុគណៈកម្មការសុវត្ថិភាពចរាចរណ៍ផ្លូវគោកខេត្តបាត់ដំបង បានអញ្ជើញចូលរួមក្នុងយុទ្ធនាការរឹតបន្តឹងការពាក់មួកសុវត្ថិភាព ដើម្បីពញ្ញាក់ស្មារតីដល់អ្នកប្រើប្រាស់ផ្លូវ ឱ្យមានការប្រុងប្រយ័ត្ននៅស្រុកភ្នំព្រឹក។ ក្នុងយុទ្ធនាការនេះក៏មានការចូលរួមពីលោកអភិបាល ស្រុកភ្នំព្រឹក កម្លាំងសមត្ថកិច្ចនគរបាលស្រុក កងរាជអាវុធហត្ថស្រុក លោកមេឃុំ និងមន្រ្តីលេខាធិការ ដ្ឋាននៃអនុគណៈកម្មាធិការជាតិសុវត្ថិភាពចរាចរណ៍ផ្លូវគោក ដែលប្រព្រឹត្តទៅនៅចំនុច រង្វង់មូលស្រុកភ្នំព្រឹក។

ដោយក្នុងយុទ្ធនាការនេះ មានការចែកជូននូវឯកសារពាក់ព័ន្ធនឹងច្បាប់ស្តីពីសុវត្ថិភាពចរា​ចរណ៍ផ្លូវគោក និងការរៀបចំជាកម្មវិធីសួរឆ្លើយសំណួរស្តីពីច្បាប់ និងសុវត្ថិភាពចរាចរណ៍ផ្លូវគោកដែលជាលទ្ធផលនៅក្នុងយុទ្ធនាការនេះបានចែក៖
– មួកសុវត្ថិភាពចំនួន ៥០មួក
– សៀវភៅផ្សព្វផ្សាយសញ្ញាចរាចរណ៍សំខាន់ចំនួន ១០ក្បាល
– ស្ទិកឃ័រការពារជីវិតអ្នកកុំបើកបរហួសល្បឿនកំណត់ចំនួន ១០០សន្លឹក
– ប្រការសំខាន់ៗដែលអ្នកបើកបរត្រូវចងចាំចំពោះអ្នកប្រប្រាស់ផ្លូវចំនួន ២០០សន្លឹក
– ផ្ទាំងផ្លាកសញ្ញាសម្រាប់អ្នកថ្មើជើងចំនួន ១០សន្លឹក
– ស្លាកសញ្ញាសចរាចរណ៍ចំនួន ១០សន្លឹក
-បទប្បញ្ញត្តិសំខាន់ៗនៃច្បាប់ស្ដីពីចរាចរណ៍ផ្លូវគោកចំនួន ២០០សន្លឹក
-ស្ទិកឃ័របើកបរដោយសុវត្ថិភាពពាក់មួកចំនួន ២០០សន្លឹក
-សៀវភៅ ដែលអ្នកបើកបរទោចក្រយានយន្តត្រូវយល់ដឹងចំនួន ១០០ក្បាល
– ស្ទិកឃ័រការពារជីវិតអ្នកពាក់មួកសុវត្ថិភាពឱ្យបានត្រឹមត្រូវចំនួន ២០០សន្លឹក
– សៀវភៅច្បាប់ចរាចរណ៍ផ្លូវគោកចំនួន ៥០ក្បាល៕

ចែករំលែក

បញ្ចេញយោបល់