យុវសិស្សកម្ពុជាចំនួន ០២រូប បានទទួលមេដាយសំរឹទ្ធក្នុងកម្មវិធីអូឡាំព្យាដអន្តរជាតិសម្រាប់អ្នកវិទ្យាសាស្ត្រវ័យក្មេង លើកទី១៣ (International Junior Science Olympiad) ដែលកំពុងប្រព្រឹត្តទៅចាប់ពីថ្ងៃទី២-១១ ខែធ្នូ ឆ្នាំ២០១៦ នៅកោះបាលី ប្រទេសឥណ្ឌូណេស៊ី។
សិស្សដែលទទួលជ័យលាភីនោះគឺ យុវសិស្ស លីម ធាងឡាយ វិទ្យាល័យ ញឹម វណ្ណដា ពារាំង (ខេត្តព្រៃវែង) និងយុវសិស្ស ពៅ ខេមរក្សា អនុវិទ្យាល័យចតុមុខ (រាជធានី ភ្នំពេញ)។
គួរបញ្ជាក់ថា កម្មវិធីអូឡាំព្យាដអន្តរជាតិសម្រាប់អ្នកវិទ្យាសាស្ត្រវ័យក្មេង ឆ្នាំ២០១៦ មានការចូលរួមពីបណ្តាប្រទេសចំនួន ៤៨ និងមានបេក្ខជនចូលរួមប្រកួតប្រជែងចំនួន ២៧៦រូប ដោយក្នុងនោះក្រសួងអប់រំ យុវជន និងកីឡា បានបញ្ជូនសិស្សានុសិស្សតំណាងព្រះរាជាណាចក្រកម្ពុជាចំនួន ០៦រូប និងគ្រូដឹកនាំចំនួន០៣រូប៕
