នៅព្រឹកថ្ងៃសៅរ៍ ទី១០ ខែធ្នូ ឆ្នាំ២០១៦នេះ នាសាលមហោស្រព នៃមជ្ឈមណ្ឌលសន្និបាត និងពិព័រណ៍កោះពេជ្រ គណៈកម្មាធិការ សិទ្ធិមនុស្សកម្ពុជា សហការជាមួយសាលារាជធានីភ្នំពេញ រៀបចំប្រារព្ធពិធី អបអរសាទរខួបលើកទី៦៨ ទិវាសិទ្ធិមនុស្សអន្តរជាតិ ១០ធ្នូ ក្រោមប្រធានបទ “សិទ្ធិមនុស្ស និង ការអភិវឌ្ឍ” ក្រោមអធិបតីភាព លោក ឱម យ៉ិនទៀង ទេសរដ្ឋមន្ត្រី ទទួលបន្ទុកដឹកនាំគណៈកម្មាធិការសិទ្ធិមនុស្សរបស់រាជរដ្ឋាភិបាល និងជាប្រធានអង្គភាពប្រឆាំងអំពើពុករលួយ។
នៅក្នុងអង្គពិធីនោះ មានសមាសភាពចូលរួមប្រមាណ ៤០០០នាក់ រួមមានថ្នាក់ដឹកនាំមកពីជាង ២០ក្រសួងស្ថាប័ន ប្អូនៗសិស្សនិស្សិត និងប្រជាពលរដ្ឋមកពីគ្រប់សហគមន៍។
