នៅព្រឹកថ្ងៃទី០៨ ខែធ្នូ ឆ្នាំ២០១៦នេះ លោកនាយករដ្ឋមន្រ្តី ហ៊ុន សែន អញ្ជើញចូលរួម ផ្តល់កិត្តិយសនៅក្នុងពិធី អបអរសាទរខួប ៥ឆ្នាំ របស់ក្រុម Minebea ដែលបានវិនិយោគ នៅកម្ពុជា។
Minebea គឺជាក្រុមហ៊ុនដ៏ធំមួយរបស់ប្រទេសជប៉ុន ដែលបានបើកដំណើរការ នៅក្នុងប្រទេស កម្ពុជាចាប់តាំងពីឆ្នាំ២០១១ មកម្លេះ ដើម្បីផលិតគ្រឿងអេឡិចត្រូនិចផ្សេងៗដូចជាឌីណាម៉ូ និងម៉ូទ័រជាដើម។ ក្រុមនេះមានរោងចក្រចំនួន២ កំពុងដំណើរការ និងរោងចក្រមួយទៀត កំពុងសាងសង់។ វត្តមានរបស់ Minebea បានឆ្លុះបញ្ចាំងពីការរីកចម្រើន និងជំនឿទុកចិត្ត របស់វិស័យឯកជនក្នុងការបណ្តាក់ទុនវិនិយោគនៅក្នុងព្រះរាជាណាចក្រកម្ពុជា។
សម្រាប់កម្មវិធីផ្លូវការ គឺមានការផ្សាយផ្ទាល់ (Live) នៅលើ Facebook លោកនាយករដ្ឋមន្ត្រី៕
