សម្តេចតេជោ ហ៊ុន សែន៖ កម្ពុជា ចាប់ពីពេលនេះតទៅ គឺឃើញតែសន្តិភាព និងការរីកចម្រើន

(សៀមរាប)៖ នេះគឺជាសារដ៏មានសារៈសំខាន់ដែលបានបង្ហោះផ្សាយនៅក្នុងទំព័រហ្វេសប៊ុករបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជានៅថ្ងៃទី២៨ ខែវិច្ឆិកា ឆ្នាំ២០១៦នេះ ស្របពេលដែលកម្ពុជា កំពុងតែធ្វើជាម្ចាស់ផ្ទះក្នុងមហាសន្និបាតសភាតំបន់អាស៊ី (APA) នៅលើទឹកដីខេត្តសៀមរាប។

សម្តេចតេជោ បានបញ្ជាក់ថា កំណើនភ្ញៀវទេសចរណ៍ក្នុងស្រុក និងទេសចរណ៍បរទេសកំពុងសម្រុកមកលេងទីក្រុងវប្បធម៌ប្រវត្តិសាស្រ្តរបស់កម្ពុជាជារៀងរាល់ថ្ងៃ។ កម្ពុជាពិតជាមានមោទនៈភាពខ្លាំងណាស់ ដែលបានទទួលស្វាគមន៍ភ្ញៀវមកពីគ្រប់ទិសទីទាំងក្នុងការមកលំហែកំសាន្ត និងមកប្រកបអាជីវកម្មនិងវិនិយោគលើទឹកដីសុវណ្ណភូមិយើងនេះ។

កម្ពុជាចាប់ពីពេលនេះតទៅគឺឃើញតែសន្តិភាព និងរីកចម្រើន។ Welcome to Siem Reap Angkor!